ҚАРАҚАЛПАҚСТАН РЕСПУБЛИКАСЫ ЖОҚАРҒЫ КЕҢЕСИНИҢ БАСЛЫҒЫ МУРАТ ҚАЛЛИБЕКОВИЧ КАМАЛОВ

Мурат Қаллибекович Камалов 1955-жылы Нөкис қаласында туўылған. Миллети қарақалпақ. Мағлыўматы жоқары. 1977-жылы Мәмлекетлик қәўипсизлик комитетиниӊ Жоқарғы мектебин тамамлаған.

Қараөзек районы 63-санлы “Қаракөл” сайлаў округинен Қарақалпақстан Республикасы Жоқарғы Кеӊесиниӊ депутаты.

М.Қ.Камалов өзиниӊ мийнет жолын 1977-жылы әскерий бөлим хызметкери болып ислеўден баслады. 1987-1990-жыллары Өзбекстан Республикасы Илимлер академиясының Философия ҳәм ҳуқық институтының киши илимий қәнигеси, 1990-1991-жыллары Өзбекстан Республикасы Сыртқы ислер министрлигиниң дипломатиялық корпусқа хызмет көрсетиўши “Консул” сыртқы саўда шөлкеминиң бас инженери, 1991-1996-жыллары Қарақалпақстан Республикасы Министрлер Кеңеси жанындағы “Қарақалпақ Инторг” шет ел мәмлекетлери менен бирге ислесиў бирлеспесиниң Ташкент қаласындағы ўәкиллигиниң директоры, 1996-2010-жыллары Ташкент қаласындағы “Stellor” сыңар кәрханасыныӊ директоры, 2010-2018-жыллары Ташкент қаласындағы “Хуқықый бизнес ҳәм консалтинг агентлиги” адвокатлық бюросыныӊ мәсләҳәтшиси, 2018-2020-жыллары Мәмлекетлик қәўипсизлик хызметиниң Қарақалпақстан Республикасы басқармасы баслығы, 2020-жылдан ҳәзирги күнге дейин Өзбекстан Республикасы Президенти жанындағы Аралбойы халықаралық инновация орайы директоры лаўазымларында жумыс алып барды.

Мурат Қаллибекович Камалов Қарақалпақстан Республикасы Жоқарғы Кеӊесиниӊ усы жыл 2-октябрьдеги гезексиз сегизинши сессиясында Қарақалпақстан Республикасы Жоқарғы Кеӊесиниӊ Баслығы болып сайланды.