Хожелиде көшпели қабыллаўлар өткерилди

Бүгин  Өзбекстан Республикасы Президентиниң Қарақалпақстан Республикасындағы Халық қабыллаўханасы шөлкемлестириўинде Хожели районында Республикалық 4 сектор, министрлик ӽәм шөлкемлер жуўапкерлери қатнасыўында көшпели қабыллаўлар болып өтти.

Дәслеп,  жаслардың пикир усыныслары қыйнап атырған машқалалары тыңланып, мәселелерди шешиў бойынша тийисли тапсырмалар берилди. «Темир дәптер» «Жаслар дәптер» лерине дизимге алынған пуқараларға субсидия тийкарында теплицалар ажыратып берилди сондай-ақ, бир қанша жаслардың турақлы бәнтлиги тәмийинленди.

Қабыллаўларда мүрәжатлердиң басым көпшилиги тийкарынан бәнтлик,  кредитлер ажыратыў, жол қурылыс ӽәм коммуналлық  тараўлары бойынша болды.

Мағлыўмат ушын, көшпели қабыллаўда физикалық ҳәм юридикалық шахслардан жәми 41 мүрәжат келип түсип, 15 мүрәжат орнында унамлы шешилип,  5 мүрәжат ийесине ҳуқықый түсиник берилиди. Сондай-ақ, 21 мүрәжат бойынша тийисли мәкеме басшыларына тапсырмалар берилип, Президент Халық қабыллаўханасы тәрепинен қадағалаўға алынды.

Республикамызда реже тийкарында көшпели қабыллаўлар даўам етеди.

 

 

Өзбекстан Республикасы ПрезидентиниңҚарақалпақстан Республикасындағы
Халық қабыллаўханасы Баспасөз хызмети