Президент карарында белгиленген ўазыйпалардың орынланыўы үйренилмекте

Өзбекстан Республикасы Олий Мажлиси сенаторы Б.Матмуратов Өзбекстан Республикасы Президентиниң 2020-жыл 11-ноябрьдеги «2020-2023-жылларда Қарақалпақстан Республикасын комплексли социаллық-экономикалық раўажландырыў илажлары ҳаққында»ғы қарарында белгиленген ўазыйпалардың орынланыўын үйрениў мақсетинде Шоманай районында болды.

Дәслеп сенатор районлық Кеңес депутатлары, район ҳәкими орынбасарлары, белсендилер менен ушырасты. Ушырасыўда Президентимиздиң қарарының мазмуны ҳәм әҳмийети ҳаққында пикирлесилди.

Ушырасыўдан соң «Бегжап» АПЖ аймағындағы «Етти хазина олами» ЖШЖ тәрепинен лимоншылыққа қәнийгелестирилген ыссыхана қурылысының барысы, «Моншақлы» МПЖ аймагындағы «Рафаэль» жеке меншик кәрханасы жумысы, «LIANTAI LICORICE» ЖШЖниң боян тамырды қайта ислеў кәрханасында экспорт-импорт өнимдарлығы ҳәм айланыс жумыслары, «Улзада Кеңесбаева» ЖШЖниң гүнжи майын ислеп шығарыў кәрханасында жаңа үскенелердиң орнатылыў процесси, «Дийханабад» АПЖ аймағында киши жүк тасыўшы тиркегишлер ислеп шығарыўшы «Ҳәзирети жаҳан» жеке меншик кәрханасы, Қусшылық жумысын жолға қойған «Жансулыў-қыят» фермер хожалығының жумыслары менен танысып шықты ҳәм исбилерменлер менен сәўбетлести.

«Кетенлер» АПЖ имәратында «Темир дәптер», «Ҳаяллар дәптери» ҳәм «Жаслар дәптери»не киргизилген пуқараларға берилип атырған жәрдемлер ҳәм оларды дәптерден шығарыў бойынша әмелге асырылып атырған жумысларды үйренилди, «Моншақлы» ҳәм «Мәденият» МПЖларда жасаўшы кем тәмийинленгенлер «Темир дәптер» дизимине киргизилген А.Наўрызбаева ҳәм Г.Реймовалардың шаңарақларында болып жасаў жағдайы, машқалалары менен танысылып ҳәм оларға кийим-кеншек, азық-аўқат өнимлери берилди. Күнниң жуўмағында «Бегжап» аўыл пуқаралар жыйыны аймағында халықтың машқалаларын тыңлаў ҳәм орнында унамлы шешимин табыў мақсетинде көшпели қабыллаў өткерилип, пуқаралар машқалалары тыңланды.

Шоманай районы ҳәкимлигиниң мәлимлеме хызмети