Районды комплексли раўажландырыў бойынша ўазыйпалар белгиленди

Бүгин район ҳəкимиятында Өзбекстан Республикасы Олий Мажлис Сенаты ағзасы Ф.Боқиев, Қарақалпақстан Республикасы Жоқарғы Кеңеси депутаты З.Керимзатов ҳəм район ҳəкими У.Утамбетовтың қатнасыўында мəжилис болып өтти.

Мəжилисте Өзбекстан Республикасы Президентиниң 2020-жыл 11-ноябрь күнги “2020-2023-жылларда Қарақалпақстан Республикасын комплексли социаллық-экономикалық раўажландырыў ис-илажлары ҳаққында”ғы ПҚ-4889-санлы қарарына муўапық районды комплексли раўажландырыў бағдарламасы бойынша алдағы ўазыйпалар белгилеп алынды.

Районда 2020-2023-жылларда инвестициялық жойбарлардың жәми 879,1 млрд. сумлық 93 жойбары әмелге асырылыўы белгиленген болып, соннан 152,3 млрд. сумлық 34 социаллық тараў объектлери ҳәмде жол-транспорт, инженерлик-коммуникация тармақларында қурылыс оңлаў жумысларын алып барыўы нəзерде тутылған. Соннан 726,8 млрд. сумлық 59 инвестициялық жойбарларды әмелге асырыў реже қылынды.

Мəжилисте тараў басшылары тəрепинен бир қатар усыныслар билдирилди. Атап айтқанда район орайынан жаңадан заманагөй көринистеги амфитеатр қурыў, “Қуралпа” аўыл пуқаралар жыйыны орайынан 100 орынға мөлшерленген жаңадан мәмлекетлик мектепке шекемги билимлендириў шөлкемин салыў, район аймағындағы жарамсыз ҳалда болған 15 километр узынлықтағы 21 көшеге қурылыс оңлаў жумысларын алып барыў бойынша усыныслар билдирилди.

Усы күни депутатлар райондағы бир қатар өним ислеп шығарыўшы кәрханалардың жумыслары менен танысты.

Қараөзек районы ҳәкимлиги мәлимлеме хызмети