Халық депутатлары Тақыятас районлық Кеңесиниң гезектеги он жетинши сессиясы болып өтти

11-декабрь күни Тақыятас районы ҳәкимлигиниӊ мәжилислер залында Халық депутатлары Тақыятас районлық Кеңесиниң гезектеги он жетинши сессиясы болып өтти. Сессияға Олий Мәжлис Сенаты ағзасы У.Жалменов, Нызамшылық палатасы депутаты Л.Сеитова, Жоқарғы Кеңес, районлық Кеңесиниң депутатлары, Тақыятас районы сектор басшылары, ғалаба хабар қураллары ўәкиллери, блогерлер, ҳәкимликтиӊ жуўапкер хызметкерлери ҳәм де бир қатар мәкеме, кәрхана басшылары қатнасты.

Сессия күн тәртибине муўапық, Тақыятас районында әмелге асырылып атырған реформалар бойынша район ҳәкими И.Маткаримов Халық депутатлары районлық Кеңесине мүрәжат жоллады. Мүрәжатта 2017-жыл Тақыятас районы район болып шөлкемлестирилгеннен берли әмелге асырылған өзгерислер, халықтыӊ турмыс жағдайын жақсылаў бойынша алып барылып атырған ҳәр бир тараў бойынша исленген илажларға тоқтап өтти. Соныӊ менен қатар кейинги жылларға қойылып атырған режелер, әмелге асырылатуғын жойбарлар ҳыққында айтылды.

Сессия соңында район ҳәкими И.Маткаримов қатнасыўында ғалаба хабар қураллары ўәкиллери менен пресс-конференция өткерилди.

Тақыятас районы ҳәкимлигиниӊ Мәлимлеме хызмети