БЕРУНИЙ РАЙОНЫНДА СОЦИАЛЛЫҚ-ЭКОНОМИКАЛЫҚ ӘҲМИЙЕТКЕ ИЙЕ БОЛҒАН ОБЪЕКТЛЕРГЕ ИРГЕ ТАСЫ ҚОЙЫЛДЫ

Беруний районы социаллық-экономикалық жақтан қолайлы аймақта жайласқан. Райондағы Абай аўыл пуқаралар жыйыны аймағында “LIDER GIPS” ЖШЖ тәрепинен гипсокартон ислеп шығарыў заводының қурылысы ушын ирге тасы орнатылды. Усы илажға Қарақалпақстан Республикасы Жоқарғы Кеңесиниң Баслығы Мурат Камалов қатнасты. Бул объекттиң жойбар баҳасы 22 миллиард 704 миллион сўмды қурап, 45 жумыс орны жаратылады.

Район белсендилери ҳәм нураныйлар қатнасыўында усы аймақта және бир үлкен экономикалық әҳмийетке ийе завод – “BERUNIY BUG’DOY CLUSTER” ЖШЖ тәрепинен ун заводының қурылысы да басланды. Баҳасы 33.5 миллиард сўмды қураған ири жойбар иске түсирилсе, 200 адам жумыс пенен тәмийинленеди. Бул жойбар жылдың ақырына дейин иске түсиўи белгиленген.

 

Беруний районы ҳәкимлигиниң мәлимлеме хызмети