“Халықшыл” комиссиясыныӊ мақсет ҳәм ўазыйпалары түсиндирилди

Өзбекстан Республикасы Президентиниң 2021-жыл 11-марттағы «Базар принциплерине тийкарланған ипотека кредитлерин ажыратыў арқалы халықты үй-жай менен тəмийинлеўге тийисли қосымша ис-илажлар ҳаққында»ғы ПП-6186-санлы Пəрманының орынланыўы бойынша жəмийетлик қадағалаўды орнатыў мақсетинде Халық депутатлары Тахтакөпир районлық Кеңестиң 2021-жыл 8-апрель күнги сессия мəжилисинде, депутатлар ҳəм жəмийет белсендилеринен ибарат қурамда «Халықшыл» комиссиясы шɵлкемлестирилген ҳəм Нызамы тастыйықланған еди.

Усы тийкарда район ҳәкимлигиниң мәжилислер залында «Халықшыл» комиссиясы ағзаларының алдағы ўазыйпалары додаланды. Оған Қарақалпақстан Республикасы Жоқарғы Кеңесиниң комитет баслығы Даўыт Қурбаниязов қатнасты.

Комиссия ағзасы болған ғалаба хабар қураллары ўəкиллери «Халықшыл» комиссиясы тəрепинен үй-жай шараятын жақсылаўға мүтəж хожалықлар ушын жаратылған имканиятлар ҳəм де ипотека кредитлери, субсидиялар ажыратыў бойынша əмелге асырылып атырған жумысларды медиа реже тийкарында ғалаба хабар қураллары ҳəм социаллық тармақлар арқалы кеңнен жарытыў усыныс етилди. Халық депутатлары районлық Кеңеси жанындағы «Халықшыл» комиссиясының режеси, мақсет, ўазыйпалары, қурамы ҳәм жумысларын әмелге асырыў тәртиби менен жақыннан танысып, комиссия алдына жаңа ўазыйпалар белгилеп алды.

***

Үй-жай қурылысын ҳәм ипотека базарын раўажландырыўға байланыслы ўазыйпалардың әмелге асырылыўы үстинен парламент ҳәм ипотека базарын раўажландырыўға тийисли әҳмийетли ўазыйпалардың әмелге асырылыўы жүзесинен парламент ҳәм жәмийетшилик қадағалаўды орнатыў ҳәм де «Халықшыл» комиссиясы жумысларын шөлкемлестириў бойынша Халық депутатлары Қараөзек районлық Кеңесиниң мәжилиси болып өтти.

Мәжилиске Қарақалпақстан Республикасы Жоқарғы Кеңесиниң комитет баслығы Д.Қурбаниязов ҳәм районлық Кеӊеси жанындағы “Халықшыл” комиссиясыныӊ қурамы ағзалары қатнасты. Онда шығып сөйлеўшилер “Халықшыл” комиссиясыныӊ мақсет ҳәм ўазыйпалары бойынша түсиниклер берип өтти.

Өзбекстан Республикасы Президенти тәрепинен 2021-жыл 11-мартта “Базар принциплерине тийкарланған ипотека кредитлерин ажыратыў арқалы халықты турақ-жай менен тәмийинлеўге байланыслы қосымша илажлар ҳаққында”ғы Пәрманы қабыл етилип, онда ипотека кредитлери арқалы халықты үй-жай менен тәмийинлеў, үй-жай шараятларын жақсылаўға мүтәж шаңарақларды социаллық ҳәм материаллық жақтан қоллап-қуўатлаў бойынша бир қатар ўазыйпалар белгилеп берилди.

Пәрманға муўапық, социаллық бирге ислесиўди күшейтиў, компенсация, субсидиялар ҳәм мәмлекет тәрепинен усынылатуғын басқа жеңилликлерди әдиллик пенен бөлистириў ҳәмде олардан нәтийжели пайдаланыў мақсетинде аймақларда сенаторлар, депутатлар ҳәм жәмийетлик белсендилер қатнасыўында «Халықшыл» комиссиялары шөлкемлестирилди.

“Халықшыл” комиссиясыныӊ тийкарғы мақсети жергиликли ҳәкимликлер ҳәмде жуўапкер мәмлекетлик шөлкемлердиӊ үй-жайлар қурыў ушын жер участкаларын ажыратыў, қурылыс жумысларын өз ўақтында сапалы әмелге асырыў, субсидия төленетуғын пуқараларды таӊлап алыў, үй-жай шараятларын жақсылаўға мүтәж болған пуқаралар дизимин жаратыў барысындағы жумыслар үстинен депутатлық ҳәм жәмийетлик қадағалаўды орнатыўдан ибарат.

Дерек: Қараөзек районы ҳәкимлиги мәлимлеме хызмети