Олимпия ҳәм Паралимпия ойынларында қатнасыўы күтилип атырған спортшылар қоллап-қуўатланбақта

2021-жыл 28-апрель күни Қарақалпақстан Республикасы Жоқарғы Кеңеси Президиуминиң “2021-жылы Токио қаласында (Япония) болып өтетуғын ХХХII жазғы Олимпия ҳәм ХVI Паралимпия ойынларына лицензияны  қолға киргизген ҳәм қолға киргизиўи күтилип атырған спортшыларды қоллап-қуўатлаў илажлары ҳаққында”ғы арнаўлы қарары қабыл етилди.

Қарарға муўапық, 2021-жылы Токио қаласында (Япония) болып өтетуғын ХХХII жазғы Олимпия ҳәм ХVI Паралимпия ойынларына лицензияны қолға киргизген ҳәм қолға киргизиўи күтилип атырған спортшыларды сарыплаған күш-қуўатын қайта тиклеўге талап етилетуғын био-витаминлер менен үзликсиз тәмийинлеў ушын зәрүр болған жәми 260 миллион сўм қаржы Олимпия ҳәм миллий спорт түрлери бойынша қәнигелестирилген Нөкис жоқары спорт шеберлиги мектеби ҳәмде Республикалық спорттыӊ жеке гүрес түрлери бойынша қәнигелестирилген балалар ҳәм жас өспиримлер спорт мектебине ажыратылады.

Мағлыўмат ушын, бүгинги күнге дейин Токио Олимпиадасына қылышпазлық спорт түри бойынша Шерзад Мамутов ҳәм Зайнаб Дайыбекова, грек-рим гүресинде Жалғас Бердимуратов, дзюдо бойынша  Шарапатдин Балтабаев, жүзиўден Әдилбек Юсупбаев жоллама алды.

Қарақалпақстан Республикасы Жоқарғы Кеңесиниң баспасөз хызмети