ТАҚЫЯТАС РАЙОНЫНДА МЕДИЦИНАЛЫҚ ДИАГНОСТИКА ОРАЙЫ ҲӘМДЕ ТИГИЎШИЛИК ЦЕХЫ АШЫЛДЫ

Тақыятас районында “Тақыятас ЫЭС” АЖ не қараслы медициналық диагностика орайы ҳәмде тигиўшилик цехы имаратының ашылыў мәресими болып өтти.

Илажда Қарақалпақстан Республикасы Жоқаргы Кеңесиниң Баслығы М.Камалов, Министрлер Кеңесиниң баслығы Қ.Сариев, Азия раўажланыў банки, Ыссылық электр станциялары акционерлик жәмийети, Қарақалпақстан Республикасы денсаўлықты сақлаў министрлиги, Тақыятас районы ҳәкимлиги ўәкиллери қатнасты.

Қарақалпақстан Республикасы Жоқарғы Кеңесиниң Баслығы мийманларды ҳәм район халқын заманагөй медициналық диагностика орайы ҳәмде тигиўшилик цехы имаратының ашылыўы менен қутлықлады.

Буннан соң мийманлар медициналық диагностика орайында орнатылған әсбап-үскенелер ҳәм тигиўшилик цехындағы жумыс процеси менен танысты.

Медициналық диагностика орайында республикадағы бирден-бир заманагөй МРТ қурылмасы орнатылған, соның менен бир қатарда электрокардиограмма, видеоэндоскопия, ультрадаўыслы диагностика, стоматология ҳәм басқа үскенелер менен тәмийинленген. Орайда тәжирийбели шыпакерлер ҳәм мийирбийкелер тәрепинен медициналық хызмет көрсетиледи.

 

Тигиўшилик цехында ҳаял-қызлар тәрепинен еркелер ҳәм ҳаяллыр кийимлери, сондай-ақ, станция хызметкерлери ушын арнаўлы қорғаныў кийимлери таярланады.

Бул еки объекттиң иске түсирилиўи нәтийжесинде 65 жаңа жумыс орны жаратылды. Бул объектлердиң пайдаланыўға тапсырылыўы район халқы ушын  үлкен саўға болды.

Тақыятас районы ҳәкимлиги мәлимлеме хызмети