Жәмийетлик фондтың рәсмий сайты ҳәм телеграм каналы иске түсти

Қарақалпақстан Республикасы Жоқарғы Кеңеси жанындағы мәмлекетлик емес коммерциялық емес шөлкемлерди ҳәм пуқаралық жәмийетиниң басқа да институтларын қоллап-қуўатлаў Жәмийетлик фондының  fondrk.uz – рәсмий сайты ҳәмде https://t.me/QR_JAMOAT_FONDI – рәсмий телеграм каналы иске түсти.

Сиз бул рәсмий дереклер арқалы фонд тәрепинен жәрияланған таңлаўлар, олардың өткерилиў тәртиби, сондай-ақ, фондтың жумысы менен байланыслы жаңалықлар менен танысып барыў имканиятына ийесиз.

Бүгинги күнде Қарақалпақстан Республикасы Жоқарғы Кеңеси жанындағы мәмлекетлик емес коммерциялық емес шөлкемлерди ҳәм пуқаралық жәмийетиниң басқа да институтларын қоллап-қуўатлаў Жәмийетлик фонды “Жәмийетимизде шаңарақ институтын беккемлеў ҳәм ҳаял-қызларды социаллық жақтан қоллап-қуўатлаў” атамасында Мәмлекетлик грант ушын 1-таңлаўын ҳәмде “Жасларды қоллап-қуўатлаў ҳәм халықтың саламатлығын беккемлеў жылы” Мәмлекетлик бағдарламасының орынланыўын тәмийинлеўде мәмлекетлик емес, коммерциялық емес шөлкемлердиң жойбарларын қоллап-қуўатлаў” атамасында Мәмлекетлик грант ушын 2-таңлаўын жәриялады.

Таңлаўлардың бағдарлары, ажыратылған грантлар муғдары, ҳүжжетлерди усыныў шәртлери, үлгилери ҳәм мүддетлери менен fondrk.uz – рәсмий сайты ҳәмде https://t.me/QR_JAMOAT_FONDI – рәсмий телеграм каналы арқалы танысыў мүмкин.

Қарақалпақстан Республикасы Жоқарғы Кеңесиниң баспасөз хызмети