Алыс Белтаў АПЖ халқын ишимлик суўы менен тәмийинлеў ҳәм жаңа егислик майданларын ашыў бағдарындағы жумыслар баслап жиберилди
1446
Республикамыздың алыс аймақларында жасаўшы пуқараларды ишимлик суўы менен тәмийинлеў, олардың күнделикли турмысында пайдаланыўы ушын суў жеткерип берилиўин жолға қойыў мақсетинде Жоқарғы Кеңес Баслығының басламасы менен Қарақалпақстан Республикасына 9 дана бурғылаўшы техникалар яғный 4 дана УРБ 25 маркалы ҳәм 6 дана УРБ 600 маркалы жоқары технологиялы үскенелер алып келинген еди.
Бүгин Қарақалпақстан Республикасы Жоқарғы Кеңесиниң Баслығы Аманбай Орынбаев Тахтакөпир районы Белтаў АПЖ аймағында артезиан қудықларын қазыў ҳәм Белтаў пуқараларын суў менен тәмийинлеў бағдарында алып барылып атырған жумысларды барып көрди.
Айтып өтиў орынлы, бүгинги күнде Белтаў аўыл пуқаралар жыйыны турғынларын суў менен тәмийинлеў мақсетинде тереңлиги 480-520 метрли артезиан қудықлары қазылып, душшы жер асты суўлары шығарылыўы жолға қойылған.
Сондай-ақ, аймақта жаңа егислик жерлерин ашыў мақсетинде 2,500 гектар жер майданы таярланып атыр. Бул ушын зәрүрли барлық техникалар мобилизация етилген. Соның менен бирге, усы егислик майданларына тамшылатып суўғарыў жолы менен суў жеткерип берилиўин тәмийинлеў мақсетинде 12 орында жасалма суў сақлаўшы бассейнлерди қазыў жумыслары да жеделлик пенен алып барылмақта.
Жасалма бассейнлер артезиан қудықлары арқалы суў менен ғамланады ҳәм аўыл хожалығы ушын жумсалады.
Бул әмелге асырылып атырған жумыслар нәтийжесинде аўыл турғынлары суў менен тәмийинленеди, ең баслысы, жаңа жерлер ашылыўы менен аўыл халқы ушын жаңа жумыс орынлары да жаратылып, аймақ турғынларының турмыс абаданлығы жақсыланады.
Атап өтиў орынлы быйылғы жылдың өзинде жаңадан ашылып атырған жерлерде үлкен майданда бағ жаратылып, аўыл хожалығы өнимлерин егиў жумыслары алып барылыўы белгиленген.
Қарақалпақстан Республикасы Жоқарғы Кеңесиниң Баслығы басланған жумысларды бир күнде тоқтатпай даўам еттириў керек екенлигин атап өтип, буның ушын зәрүр болған барлық әмеллерди иске қосыў бойынша тапсырмалар берди.
Айтып өтиў орынлы, бүгинги күнде Белтаў аўыл пуқаралар жыйыны турғынларын суў менен тәмийинлеў мақсетинде тереңлиги 480-520 метрли артезиан қудықлары қазылып, душшы жер асты суўлары шығарылыўы жолға қойылған.
Сондай-ақ, аймақта жаңа егислик жерлерин ашыў мақсетинде 2,500 гектар жер майданы таярланып атыр. Бул ушын зәрүрли барлық техникалар мобилизация етилген. Соның менен бирге, усы егислик майданларына тамшылатып суўғарыў жолы менен суў жеткерип берилиўин тәмийинлеў мақсетинде 12 орында жасалма суў сақлаўшы бассейнлерди қазыў жумыслары да жеделлик пенен алып барылмақта.
Жасалма бассейнлер артезиан қудықлары арқалы суў менен ғамланады ҳәм аўыл хожалығы ушын жумсалады.
Бул әмелге асырылып атырған жумыслар нәтийжесинде аўыл турғынлары суў менен тәмийинленеди, ең баслысы, жаңа жерлер ашылыўы менен аўыл халқы ушын жаңа жумыс орынлары да жаратылып, аймақ турғынларының турмыс абаданлығы жақсыланады.
Атап өтиў орынлы быйылғы жылдың өзинде жаңадан ашылып атырған жерлерде үлкен майданда бағ жаратылып, аўыл хожалығы өнимлерин егиў жумыслары алып барылыўы белгиленген.
Қарақалпақстан Республикасы Жоқарғы Кеңесиниң Баслығы басланған жумысларды бир күнде тоқтатпай даўам еттириў керек екенлигин атап өтип, буның ушын зәрүр болған барлық әмеллерди иске қосыў бойынша тапсырмалар берди.
Қарақалпақстан Республикасы Жоқарғы Кеңесиниң Мәлимлеме хызмети