Жоқарғы Кеңес Баслығы социаллық тараўда әмелге асырылып атырған илажлар ҳәм шешимин күтип турған машқалаларға арналған видеоселектор мәжилисин өткерди
Жоқарғы Кеңес Баслығы социаллық тараўда әмелге асырылып атырған илажлар ҳәм шешимин күтип турған машқалаларға арналған видеоселектор мәжилисин өткерди
1004
Қарақалпақстан Республикасы Жоқарғы Кеңесиниң Баслығы Аманбай Орынбаев социаллық тараўда әмелге асырылып атырған илажлар ҳәм шешимин күтип турған машқалаларға арналған видеоселектор мәжилисин өткерди. Онда тийисли министрлик, басқарма, мәкеме, шөлкем басшылары ҳәм басқа да тийисли тараў ўәкиллери қатнасты.
Дәслеп мәжилисте бүгинги күнде медицина тараўында әмелге асырылып атырған жумыслар, жол қойылып атырған қәте-кемшиликлер талқыланды. Өткерилген мәжилисте социаллық әҳмийетке ийе кеселликлер 2021-жылға салыстырғанда өткен жылы көбейгени, қан айланыў системасы кеселликлери, онкологиялық ҳәм дем алыў жоллары кеселликлеринен дүньядан көз жумыў жағдайларының артқаны, аналар ҳәм балалар саламатлығын беккемлеў бағдарындағы жумыслар талап дәрежесинде емес екенлиги, соның менен бирге, медицина мǝкемелерин шыпакерлер менен тǝмийинлеў бойынша да бир қатар машқалалар ушырасып атырғаны, майыплығы болған шахсларды қоллап-қуўатлаў ҳәм басқа да әҳмийетли бағдарлар ҳаққында мәселелер сөз етилди.
Сондай-ақ, онда халықты керекли дǝри-дармақлар менен тǝмийинлеў, фармацевтика компанияларының жумыслары, айырым тексерилмеген дәри өнимлери себепли пуқаралардың, әсиресе, балалар саламатлығына үлкен зыян жетип, ҳәттеки аўыр ақыбетлер жүзеге келип атырғанлығы, өнимлер баҳалары, соның менен бирге санитария-эпидемиологиялық жағдайлар сыяқлы әҳмийетли бағдарлар қарап шығылды.
Буннан соң дене тәрбия ҳәм спорт тараўы бойынша мәселе көрип шығылды. Атап өтиў орынлы, спорт түрлери бойынша өткен 2022-жылы өткерилген Азия ҳәм жәҳән чемпионатларында спортшыларымыз тәрепинен сыйлы орынларды жеңип алыў дәрежелери айырым районларда төмен болмақта. Сондай-ақ, 2022-жылы спорт түрлери бойынша өткерилген Қарақалпақстан чемпионаты ҳәм кубок жарысларында айырым районлардың сайланды командаларының толық қатнасыўы жолға қойылмаған. Буннан тысқары, бүгинги күнде имканияты шекленген шахсларды спортқа қамтып алыў бойынша жумыслар талап дǝрежесинде жолға қойылмай атырғанлығы атап өтилди. Жаслар менен ислесиў бағдарындағы жумыслар да бүгинги қунде әҳмийетли мәселелердиң бири болып, бул бойынша әмелге асырылып атырған жумысларға да мәжилисте тоқтап өтилди. 2022-жыл жуўмағы менен баҳалаўшы рейтинг нәтийжелери бойынша 8 мәҳәлледеги жаслар жетекшилериниң жумысы төмен дәрежеде болғанлығы себепли “Қызыл” категорияға киргизилген. 257 жастың “Жаслар дәптери”не киргизилгенине 6 айдан өткен болыўына қарамастан 2022-жыл жуўмағына шекем ҳеш қандай әмелий жәрдем көрсетилмеген.
Мажилисте сондай-ақ, мәҳәллелерде әмелге асырылып атырған жумыслар да көрип шығылды. Бүгинги күнде мәҳәлле институтын раўажландырыў ҳам қоллап-қуўатлаў бағдарында бир қанша унамлы жумыслар әмелге асырылыўына қарамай, пуқаралар жыйынларының жумысларын раўажландырыў бағдарында айырым қәте-кемшиликлерге жол қойылмақта. Атап айтқанда, Пуқаралар жыйынлары баслықлары тәрепинен нызам менен белгиленген ўәкилликлери ҳәм ўазыйпалары ҳаққында елеге шекем терең түсинбей атыр. Январ айы жуўмақланған болыўына қарамастан мәҳәлле баслықларыныӊ еӊ әҳмийетли машқалаларды шешиўге бағдарланған “Жол карта”ларын елеге шекем ислеп шықпаған.
Өткерилген мәжилис даўамында усы сыяқлы бир қатар әҳмийетли жөнелислер сын көз қараста қарап шығылды. Тараўда әмелге асырылыўы тийис ўазыйпалар, алдағы ислениўи керек әҳмийетли жумыслар белгилеп алынды.
Қарақалпақстан Республикасы Жоқарғы Кеңесиниң Мәлимлеме хызмети
Дәслеп мәжилисте бүгинги күнде медицина тараўында әмелге асырылып атырған жумыслар, жол қойылып атырған қәте-кемшиликлер талқыланды. Өткерилген мәжилисте социаллық әҳмийетке ийе кеселликлер 2021-жылға салыстырғанда өткен жылы көбейгени, қан айланыў системасы кеселликлери, онкологиялық ҳәм дем алыў жоллары кеселликлеринен дүньядан көз жумыў жағдайларының артқаны, аналар ҳәм балалар саламатлығын беккемлеў бағдарындағы жумыслар талап дәрежесинде емес екенлиги, соның менен бирге, медицина мǝкемелерин шыпакерлер менен тǝмийинлеў бойынша да бир қатар машқалалар ушырасып атырғаны, майыплығы болған шахсларды қоллап-қуўатлаў ҳәм басқа да әҳмийетли бағдарлар ҳаққында мәселелер сөз етилди.
Буннан соң дене тәрбия ҳәм спорт тараўы бойынша мәселе көрип шығылды. Атап өтиў орынлы, спорт түрлери бойынша өткен 2022-жылы өткерилген Азия ҳәм жәҳән чемпионатларында спортшыларымыз тәрепинен сыйлы орынларды жеңип алыў дәрежелери айырым районларда төмен болмақта. Сондай-ақ, 2022-жылы спорт түрлери бойынша өткерилген Қарақалпақстан чемпионаты ҳәм кубок жарысларында айырым районлардың сайланды командаларының толық қатнасыўы жолға қойылмаған. Буннан тысқары, бүгинги күнде имканияты шекленген шахсларды спортқа қамтып алыў бойынша жумыслар талап дǝрежесинде жолға қойылмай атырғанлығы атап өтилди. Жаслар менен ислесиў бағдарындағы жумыслар да бүгинги қунде әҳмийетли мәселелердиң бири болып, бул бойынша әмелге асырылып атырған жумысларға да мәжилисте тоқтап өтилди. 2022-жыл жуўмағы менен баҳалаўшы рейтинг нәтийжелери бойынша 8 мәҳәлледеги жаслар жетекшилериниң жумысы төмен дәрежеде болғанлығы себепли “Қызыл” категорияға киргизилген. 257 жастың “Жаслар дәптери”не киргизилгенине 6 айдан өткен болыўына қарамастан 2022-жыл жуўмағына шекем ҳеш қандай әмелий жәрдем көрсетилмеген.
Мажилисте сондай-ақ, мәҳәллелерде әмелге асырылып атырған жумыслар да көрип шығылды. Бүгинги күнде мәҳәлле институтын раўажландырыў ҳам қоллап-қуўатлаў бағдарында бир қанша унамлы жумыслар әмелге асырылыўына қарамай, пуқаралар жыйынларының жумысларын раўажландырыў бағдарында айырым қәте-кемшиликлерге жол қойылмақта. Атап айтқанда, Пуқаралар жыйынлары баслықлары тәрепинен нызам менен белгиленген ўәкилликлери ҳәм ўазыйпалары ҳаққында елеге шекем терең түсинбей атыр. Январ айы жуўмақланған болыўына қарамастан мәҳәлле баслықларыныӊ еӊ әҳмийетли машқалаларды шешиўге бағдарланған “Жол карта”ларын елеге шекем ислеп шықпаған.
Өткерилген мәжилис даўамында усы сыяқлы бир қатар әҳмийетли жөнелислер сын көз қараста қарап шығылды. Тараўда әмелге асырылыўы тийис ўазыйпалар, алдағы ислениўи керек әҳмийетли жумыслар белгилеп алынды.
