Тақыятас районындағы шараяты аўыр мәҳәллелерде кең көлемли жумыслар алып барылып, халықтың абаданлығы тәмийинленеди
1057
Бүгинги күнде республикамыз аймағында халықтың күнделикли турмысында ушырасып атырған машқалаларға шешим табыў, олардың жасаў жағдайын жақсылаў бойынша кең көлемли жумыслар алып барылып атыр. Бул бағдардағы ийгиликли жумысларға республика ўалаятлары да үлес қосып келмекте.
Ҳәзирги ўақытта Тақыятас районындағы аўыл ҳәм мәкан пуқаралар жыйынларының инфраструктурасын жақсылаў, халыққа мүнәсип турмыс шараятын жаратыў бойынша усындай басламалар баслап жиберилген.
Бүгин Ферғана ўәлаятының «Baxodir Log‘on Tekstil» кластеринен Тақыятас районының аўыр аймақлары есапланған “Нурлы келешек” МПЖ, Кенегес аўылы ҳәм “Қусшылық” МПЖ “Әскерий қалаша” аўылларының социаллық турмыс шараятын жақсылаў ҳәм инфраструктураларын жаңалаў ушын қайырқомлық жәрдем есабында қурылыс ҳәм азық аўқат өнимлери кәрўаны 45 жүк автомашиналарында жетип келди.
Мийманларды Қарақалпақстан Республикасы Жоқарғы Кеңесиниң Баслығы Аманбай Орынбаев халқымызға тән ашық кеўиллилик пенен күтип алды.
Айтып өтиў орынлы, Өзбекстан Республикасы Министрлер Кабинетиниң “Ислам раўажланыў банки ҳәм ОПЕК халықаралық раўажланыў фонды қатнасыўында “Аўыллық орынларды турақлы раўажландырыў” жойбарын әмелге асырыў ис-илажлары ҳаққында”ғы қарары тийкарында Қарақалпақстан Республикасының алты (Әмиўдәрья, Беруний, Төрткүл, Елликқала, Нөкис районы ҳәм Тақыятас) районында Ислам раўажланыў банки ҳәм ОПЕК халықаралық раўажланыў фондының 99,6 млн. АҚШ доллар қаржылары есабынан социаллық тараў ҳәм инфраструктура объектлеринде қурылыс-оңлаў жумысларын әмелге асырыў белгиленген.
Қарарға муўапық “Аўыллық орынларды турақлы раўажландырыў” жойбары шеңберинде Қарақалпақстан Республикасында 46 мәҳәлледе 2022-2025-жыллар даўамында инфраструктура, социаллық тараў объектлери ҳәм басқа да зәрүрли объектлерди қурыў ҳәм оңлаў режелестирилген. Соннан, биринши басқышта 15 мәҳәлледе қурылыс-оңлаў ҳәм абаданластырыў жумысларын алып барыў белгиленген.
Қарар тийкарында Тақыятас районындағы “Найманкөл” аўыл пуқаралар жыйыны, “Тас аўыл”, “Нурлы келешек” ҳәм “Дослық” мәкан пуқаралар жыйынлары аймағында кең көлемли жумыслар алып барылады.
Режедеги жумыслар қатарында ишки хожалық жолларын оңлаў, электр ҳәм газ тәмийнатын жақсылаў, тармақлар ҳәм таяныш бағаналарын жаңалаў, трансформатор пунктлерин жаңасына алмастырыў, балалар майданшаларын қурыў ҳәм басқа да әҳмийетли ўазыйпалар белгиленип алынған болып, барлық жумыслар Жоқарғы Кеңес Баслығының жеке қадағалаўы астында шөлкемлескенлик пенен алып барылмақта.
Өткерилген илажда халқымыздың бүгинги турмысынан разылығын тәмийинлеў жолында барлық күш-жигер жумсалатуғынлығы ҳәм халыққа мүнәсип турмыс шараятын жаратыў бойынша зәрүр илажлар көрилетуғынлығы атап өтилип, дәслепки жумыслар баслап жиберилди.
Мийманларды Қарақалпақстан Республикасы Жоқарғы Кеңесиниң Баслығы Аманбай Орынбаев халқымызға тән ашық кеўиллилик пенен күтип алды.
Айтып өтиў орынлы, Өзбекстан Республикасы Министрлер Кабинетиниң “Ислам раўажланыў банки ҳәм ОПЕК халықаралық раўажланыў фонды қатнасыўында “Аўыллық орынларды турақлы раўажландырыў” жойбарын әмелге асырыў ис-илажлары ҳаққында”ғы қарары тийкарында Қарақалпақстан Республикасының алты (Әмиўдәрья, Беруний, Төрткүл, Елликқала, Нөкис районы ҳәм Тақыятас) районында Ислам раўажланыў банки ҳәм ОПЕК халықаралық раўажланыў фондының 99,6 млн. АҚШ доллар қаржылары есабынан социаллық тараў ҳәм инфраструктура объектлеринде қурылыс-оңлаў жумысларын әмелге асырыў белгиленген.
Қарарға муўапық “Аўыллық орынларды турақлы раўажландырыў” жойбары шеңберинде Қарақалпақстан Республикасында 46 мәҳәлледе 2022-2025-жыллар даўамында инфраструктура, социаллық тараў объектлери ҳәм басқа да зәрүрли объектлерди қурыў ҳәм оңлаў режелестирилген. Соннан, биринши басқышта 15 мәҳәлледе қурылыс-оңлаў ҳәм абаданластырыў жумысларын алып барыў белгиленген.
Қарар тийкарында Тақыятас районындағы “Найманкөл” аўыл пуқаралар жыйыны, “Тас аўыл”, “Нурлы келешек” ҳәм “Дослық” мәкан пуқаралар жыйынлары аймағында кең көлемли жумыслар алып барылады.
Режедеги жумыслар қатарында ишки хожалық жолларын оңлаў, электр ҳәм газ тәмийнатын жақсылаў, тармақлар ҳәм таяныш бағаналарын жаңалаў, трансформатор пунктлерин жаңасына алмастырыў, балалар майданшаларын қурыў ҳәм басқа да әҳмийетли ўазыйпалар белгиленип алынған болып, барлық жумыслар Жоқарғы Кеңес Баслығының жеке қадағалаўы астында шөлкемлескенлик пенен алып барылмақта.
Өткерилген илажда халқымыздың бүгинги турмысынан разылығын тәмийинлеў жолында барлық күш-жигер жумсалатуғынлығы ҳәм халыққа мүнәсип турмыс шараятын жаратыў бойынша зәрүр илажлар көрилетуғынлығы атап өтилип, дәслепки жумыслар баслап жиберилди.
Қарақалпақстан Республикасы Жоқарғы Кеңесиниң Мәлимлеме хызмети