Республикамыздың егислик майданларын суў менен тәмийинлеўши “Оң жағалық” каналына суў ашылды
1814
Сонғы жылларда республикамыз аймағында бақланып атырған суў жетиспеўшилиги дәўиринде суўдан нәтийжели пайдаланыўдың әҳмийети артып бармақта. Усы тийкарда 2022-жылдың ноябрь айынан 2023-жылдың февраль айына шекемги аралықта Түйемойын суў сақлағышында суў жыйналыўына айрықша итибар қаратылатуғын болып, бул дәўирде дийқан-фермерлеримиз жер майданларын шор жуўыўға таярласа, суўшылар ирригация тармақлары ҳәм гидро объектлерин суўғарыў мәўсимине таярлайды.
Бүгин “Оң жағалық” каналына Түйемойын суў сақлағышынан суў ашылыўы мүнәсибети менен салтанатлы илаж өткерилди.
Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, сонғы жылларға салыстырғанда быйылғы жылда суў сақлағышта суў көбирек жыйналғаны ҳәм бул өз гезегинде халқымыздың мол ырысқы-несийбеси болған аўыл хожалығы өнимлерин жетистириўде әҳмийетли болған ағын суў жеткерип берилиўинде өзиниң сезилерли тәсирин тийгизетуғынлығын атап өтти.
Ҳәммемизге белгили, дәрьядан келетуғын суўдағы қум ҳәм ылай араласпасы есабынан каналларда тазалаў жумысларын алып барыў зәрүр болады. Жәҳән банки қатнасыўындағы “Қубла Қарақалпақстанда суў ресурсларын басқарыўды жақсылаў” жойбары шеңберинде “Оң жағалық” , “Бостан” ҳәм басқа каналларда кең көлемли реконструкция жумыслары әмелге асырылмақта. Сондай-ақ, жойбар шеңберинде 595 км тийкарғы ҳәм хожалықлараралық суўғарыў каналлары қайта тикленди, 29,5 км узынлықтағы жаңа каналлар ҳәмде жаңадан 932 дана гидротехнологиялық объектлер қурылды, 15,37 мың гектар суўғарылатуғын майданлар лазер үскенеси жәрдеминде тегисленди ҳәмде терең жумсартылды.
Быйылғы шор жуўыў мапазы алдынан да “Оң жағалық” каналының суў алыў бөлегинде суў хожалығы мәкемелериниң арнаўлы техникалары жәрдеминде ылайдан тазалаў жумыслары алып барылды ҳәм каналға суў ашылды.
Өткерилген илажда Жоқарғы Кеңес Баслығы тәрепинен бар болған суў ресурсларынан нәтийжели пайдаланып, шор жуўыў илажларын шөлкемлескенлик пенен өткериў бойынша тапсырмалар берилди.
Бүгин “Оң жағалық” каналына Түйемойын суў сақлағышынан суў ашылыўы мүнәсибети менен салтанатлы илаж өткерилди.
Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, сонғы жылларға салыстырғанда быйылғы жылда суў сақлағышта суў көбирек жыйналғаны ҳәм бул өз гезегинде халқымыздың мол ырысқы-несийбеси болған аўыл хожалығы өнимлерин жетистириўде әҳмийетли болған ағын суў жеткерип берилиўинде өзиниң сезилерли тәсирин тийгизетуғынлығын атап өтти.
Ҳәммемизге белгили, дәрьядан келетуғын суўдағы қум ҳәм ылай араласпасы есабынан каналларда тазалаў жумысларын алып барыў зәрүр болады. Жәҳән банки қатнасыўындағы “Қубла Қарақалпақстанда суў ресурсларын басқарыўды жақсылаў” жойбары шеңберинде “Оң жағалық” , “Бостан” ҳәм басқа каналларда кең көлемли реконструкция жумыслары әмелге асырылмақта. Сондай-ақ, жойбар шеңберинде 595 км тийкарғы ҳәм хожалықлараралық суўғарыў каналлары қайта тикленди, 29,5 км узынлықтағы жаңа каналлар ҳәмде жаңадан 932 дана гидротехнологиялық объектлер қурылды, 15,37 мың гектар суўғарылатуғын майданлар лазер үскенеси жәрдеминде тегисленди ҳәмде терең жумсартылды.
Быйылғы шор жуўыў мапазы алдынан да “Оң жағалық” каналының суў алыў бөлегинде суў хожалығы мәкемелериниң арнаўлы техникалары жәрдеминде ылайдан тазалаў жумыслары алып барылды ҳәм каналға суў ашылды.
Өткерилген илажда Жоқарғы Кеңес Баслығы тәрепинен бар болған суў ресурсларынан нәтийжели пайдаланып, шор жуўыў илажларын шөлкемлескенлик пенен өткериў бойынша тапсырмалар берилди.
Қарақалпақстан Республикасы Жоқарғы Кеңесиниң Мәлимлеме хызмети