Өзбекстан Республикасы Прзедентиниң "Жаза мүддетин өтеп атырған, қылмысынан шын кеўилден пушайман болған ҳәм дүзелиў жолына қатаң өткен бир топар шахсларға кеширим бериў ҳаққында"ғы Пәрманға қол қойды

Өзбекстан Республикасы Президенти "Жаза мүддетин өтеп атырған, қылмысынан шын кеўилден пушайман болған ҳәм дүзелиў жолына қатаң өткен бир топар шахсларды әпиў етиў ҳаққында"ғы Пәрманға қол қойды. Пәрманға муўапық, Өзбекстан Республикасы Конституциясының 93-статьясы 23-бәнтине тийкар, жаза мүддетин өтеп атырған, қылмысынан шын кеўилден пушайман болған 541 шахс әпиў етилди. Әпиў етилген адамлардан 374 адам тийкарғы жазадан толық азат етилди, 110 адам жазаны өтеўден мүддетинен алдын шәртли азат етилди, 18 адамның еркинен айырыў жазасы жеңил жаза менен алмастырылды. Сондай-ақ, 39 адамға белгиленген еркинен айырыў жазасының мүддетлери қысқартылды. Әпиў етилгенлердиң 36 сы сырт ел пуқаралары, 136 сын ҳаяллар, 75 адам 60 жастан асқанлар ҳәмде 6 адам қадаған етилген шөлкемлердиң жумысларында қатнасқан адамлар болып табылады.