Өзбекстан Президенти Москвадағы Александр бағында гүл қойды

Өзбекстан Республикасы Президенти Шавкат Мирзиёев Россия Федерациясына рәсмий сапары бағдарламасының екинши күнинде Москва қаласының Александр бағындағы Белгисиз әскердиң қәбирине гүл қойды.

Кремль дийўалларының қасында жайласқан бул естелик Екинши жер жүзилик урыста Ўатан ушын мәртлерше гүрескен ҳәм қурбан болған миллионлаған әскерлерди еслеп қурылған, бабаларымыздың мәртлиги ҳәм шыдамлылық белгиси болып есапланады.