Ҳәр жылы өткерилиўи дәстүрге айланған "Таза қала" акциясына бүгин Нөкис темир жол вокзалы жанында старт берилди

Онда Қарақалпақстан Республикасы Жоқарғы Кеңесиниң Баслығы Аманбай Орынбаев қатнасты ҳәм елимиздиң абаданлығын, қоршаған орталықтың тазалығын тәмийинлеў ҳәм жасыл аймақлардың пайда етилиўинде биргеликте ҳәр бир пуқара үлес қосыўы керек екенлигин атап өтти. Жойбар шеңберинде Нөкис қаласы аймағындағы жигирмадан аслам мәҳәллелер шығындылардан тазаланады. Сондай-ақ, абаданластырылған орынларға ҳәр түрли декоратив ҳәм мийўе нәллерин егиў режелестирилген.  

Қарақалпақстан Республикасы Жоқарғы Кеңесиниң Мәлимлеме хызмети