Қол урысы бойынша шөлкемлестирилген “Жоқарғы Кеңес Баслығы Кубогы” жарысларының ашылыў салтанаты өткерилди
1206
Бүгин Нөкис қаласындағы 1-санлы балалар ҳәм жас өспиримлер спорт мектебинде (Манеж) қол урысы бойынша 16-17 жас аралығындағы ер балалар ҳәм қызлар арасында шөлкемлестирилген “Жоқарғы Кеңес Баслығы Кубогы” жарысларының ашылыў салтанаты болып өтти.
Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, барлық қатнасыўшыларды жарыстың ашылыўы мүнәсибети менен қутлықлады ҳәм әўмет тиледи.
Буннан соң күн даўамында өткерилиўи белгиленген спорт жарыслары баслап жиберилди.
Айтып өтиў орынлы, соӊғы жыллары елимизде ҳүрметли Президентимиздиң басшылығында дене тәрбия ҳәм спортты раўажландырыўға, жасларды спортқа кеңнен қамтып алыўға, саламат турмыс тәризин қәлиплестириўге айрықша итибар қаратылып, бул бағдарда кең көлемли илажлар әмелге асырылып атыр.
Өзинде бокс, таэквондо, гүрес, каратэ, самбо, ушу сыяқлы спорт түрлерин жәмлеген спорттың қол урысы түрине қызығыўшы жасларымыздың саны жылдан жылға артып бармақта.
Әсиресе, спортшыларымыздың Азия, жәҳән чемпионатлары ҳәм халықаралық турнирлерде қолға киргизип атырған жоқары табыслары халқымызды қуўанышқа бөлемекте.
Әлбетте, усындай жарыслардың өткерилиўи елимизде қол урысы спорт түрин және де ғалабаластырыўда ҳәм халықаралық беллесиўлер жеңимпазларын жетилистирип шығарыўда әҳмийетли орын ийелейди.
Өткерилген илаж даўамында өз салмақ категориясы бойынша жеңимпазлар қатарынан орын алған бир қатар жасларға медаль ҳәм баҳалы саўғалар тапсырылды.
Буннан соң күн даўамында өткерилиўи белгиленген спорт жарыслары баслап жиберилди.
Айтып өтиў орынлы, соӊғы жыллары елимизде ҳүрметли Президентимиздиң басшылығында дене тәрбия ҳәм спортты раўажландырыўға, жасларды спортқа кеңнен қамтып алыўға, саламат турмыс тәризин қәлиплестириўге айрықша итибар қаратылып, бул бағдарда кең көлемли илажлар әмелге асырылып атыр.
Өзинде бокс, таэквондо, гүрес, каратэ, самбо, ушу сыяқлы спорт түрлерин жәмлеген спорттың қол урысы түрине қызығыўшы жасларымыздың саны жылдан жылға артып бармақта.
Әсиресе, спортшыларымыздың Азия, жәҳән чемпионатлары ҳәм халықаралық турнирлерде қолға киргизип атырған жоқары табыслары халқымызды қуўанышқа бөлемекте.
Әлбетте, усындай жарыслардың өткерилиўи елимизде қол урысы спорт түрин және де ғалабаластырыўда ҳәм халықаралық беллесиўлер жеңимпазларын жетилистирип шығарыўда әҳмийетли орын ийелейди.
Өткерилген илаж даўамында өз салмақ категориясы бойынша жеңимпазлар қатарынан орын алған бир қатар жасларға медаль ҳәм баҳалы саўғалар тапсырылды.
Қарақалпақстан Республикасы Жоқарғы Кеңесиниң Мәлимлеме хызмети