Жоқарғы Кеңес Баслығы медицина тараўында алып барылып атырған жумысларға арналған видеоселектор мәжилисин өткерди
3055
Онда дәслеп, елимизде медицина тараўын раўажландырыў бағдарында әмелге асырылып атырған жумыслар, бул бағдарда қабыл етилип атырған қарар ҳәм пәрманлар, тараў мәкемелериниң материаллық-техникалық базасын беккемлеў илажларына кен түрде тоқталып өтилди. 
Айрықша айтыў орынлы, ҳүрметли Президентимиз тәрепинен илгери сүрилген көплеген идеялар бүгин турмыс ҳақыйқатлығына айланып бармақта. Атап айтқанда, Ташкентте бар барлық заманагөй медициналық хызметлерди Нөкисте жолға қойыў, Қарақалпақстандағы Онкология ҳәм радиология орайының филиалы ушын жаңа имарат қурыў ҳәм ең заманагөй үскенелер менен толық тәмийинлеў, оның аймағында наўқаслардың жақынлары ушын ўақтынша жасаў жатақханасын қурыў, келеси жылдан баслап Тахтакөпир, Шымбай, Қараөзек, Бозатаў, Шоманай, Қоңырат районларында 200 процент муғдарында айлық үстеме төлеўди жолға қойыў, сондай-ақ, Қарақалпақстандағы алыс ҳәм шетки аўылларда жумыс ислеп атырған барлық маман медицина хызметкерлерине 5 миллион сумға шекем өз алдына үстеме бериў, социаллық реестрге кирген халықтың ордер тийкарында Ташкент қаласында ямаса басқа да ўәлаятларда емлениўи ушын оларға авиа ҳәм темир жол қәрежетлерин толық қаплап бериў сыяқлы көплеген имканиятлар жаратылмақта. Сондай-ақ, ѳткен қысқа дәўир ишинде тараўға байланыслы бир қатар нызам, пәрман ҳәм қарарлардың қабыл етилгени бул бағдардағы илажлар көлемин жаңа басқышларға көтермекте. 
Жоқарғы Кеңес Баслығы усыншама имканиятлар жаратылыўына қарамай, айырым кемшиликлер ушырасып атырғанлығына айрықша тоқталды. Айырым шыпакерлер тәрепинен наўқасларға дәри-дармақларды тарқатыўшы компаниялар менен келисилген дәрилерди усыныў, айырым дәрилердиң сатылыўынан келип түсетуғын қаржылардан үлес алыўы, усы себепли шыпакерлер ѳз мәпи ушын наўқасларға қымбат баҳалы дәрилерди буйырып атырғаны, сырт ел компанияларының дәрилерин реклама етиў жағдайлары, буның есесине шипакерлер фармацевтика компаниялары тәрепинен қаржылай хошаметленип атырғанлығын қатаң сынға алды. «Соны умытпаўымыз керек, бул бонуслар, саўғалар ушын қаржылар наўқас пуқараларымыздың ҳақысы есабынан алынбақта ҳәм халқымыздың орынлы наразылығына себеп болмақта.»-деди Жоқарғы Кеңес Баслығы. Сондай-ақ, айырым “Бизнесмен” шыпакерлер дәриханашылар менен келисип, оларды турақлы түрде қарыйдарлар менен тәмийинлеп турғаны, айырым емлеўхана баслықлары бюджеттен ажыратылған қаржыларды компанияның дәри-дармақларын сатып алыўға жумсап атырғанлығы ашынарлы жағдайлардың бири сыпатында тилге алынды. Өткерилген мәжилис даўамында халықтың саламатлығы дǝрежесин арттырыў, аналар ҳəм балалар саламатлығын беккемлеў илажларын күшейтиў, шыпакерлер менен тәмийинлениў дәрежесин асырыў, жеке меншик медицина мəкемелери раўажланыўын ҳәм бюджет қаржыларының мақсетли жумсалыўын тәмийинлеў, денсаўлықты сақлаў тараўын санластырыў мәселелери де қарап шығылды. 
Мәжилис даўамында өз ўазыйпасын орынлаўда немқурайдылық пенен қараған ҳәм қәте-кемшиликлерге жол қойған тараў басшыларына жаза шараларын қоллаў бойынша тапсырма берилди.
Айрықша айтыў орынлы, ҳүрметли Президентимиз тәрепинен илгери сүрилген көплеген идеялар бүгин турмыс ҳақыйқатлығына айланып бармақта. Атап айтқанда, Ташкентте бар барлық заманагөй медициналық хызметлерди Нөкисте жолға қойыў, Қарақалпақстандағы Онкология ҳәм радиология орайының филиалы ушын жаңа имарат қурыў ҳәм ең заманагөй үскенелер менен толық тәмийинлеў, оның аймағында наўқаслардың жақынлары ушын ўақтынша жасаў жатақханасын қурыў, келеси жылдан баслап Тахтакөпир, Шымбай, Қараөзек, Бозатаў, Шоманай, Қоңырат районларында 200 процент муғдарында айлық үстеме төлеўди жолға қойыў, сондай-ақ, Қарақалпақстандағы алыс ҳәм шетки аўылларда жумыс ислеп атырған барлық маман медицина хызметкерлерине 5 миллион сумға шекем өз алдына үстеме бериў, социаллық реестрге кирген халықтың ордер тийкарында Ташкент қаласында ямаса басқа да ўәлаятларда емлениўи ушын оларға авиа ҳәм темир жол қәрежетлерин толық қаплап бериў сыяқлы көплеген имканиятлар жаратылмақта. Сондай-ақ, ѳткен қысқа дәўир ишинде тараўға байланыслы бир қатар нызам, пәрман ҳәм қарарлардың қабыл етилгени бул бағдардағы илажлар көлемин жаңа басқышларға көтермекте. Жоқарғы Кеңес Баслығы усыншама имканиятлар жаратылыўына қарамай, айырым кемшиликлер ушырасып атырғанлығына айрықша тоқталды. Айырым шыпакерлер тәрепинен наўқасларға дәри-дармақларды тарқатыўшы компаниялар менен келисилген дәрилерди усыныў, айырым дәрилердиң сатылыўынан келип түсетуғын қаржылардан үлес алыўы, усы себепли шыпакерлер ѳз мәпи ушын наўқасларға қымбат баҳалы дәрилерди буйырып атырғаны, сырт ел компанияларының дәрилерин реклама етиў жағдайлары, буның есесине шипакерлер фармацевтика компаниялары тәрепинен қаржылай хошаметленип атырғанлығын қатаң сынға алды. «Соны умытпаўымыз керек, бул бонуслар, саўғалар ушын қаржылар наўқас пуқараларымыздың ҳақысы есабынан алынбақта ҳәм халқымыздың орынлы наразылығына себеп болмақта.»-деди Жоқарғы Кеңес Баслығы. Сондай-ақ, айырым “Бизнесмен” шыпакерлер дәриханашылар менен келисип, оларды турақлы түрде қарыйдарлар менен тәмийинлеп турғаны, айырым емлеўхана баслықлары бюджеттен ажыратылған қаржыларды компанияның дәри-дармақларын сатып алыўға жумсап атырғанлығы ашынарлы жағдайлардың бири сыпатында тилге алынды. Өткерилген мәжилис даўамында халықтың саламатлығы дǝрежесин арттырыў, аналар ҳəм балалар саламатлығын беккемлеў илажларын күшейтиў, шыпакерлер менен тәмийинлениў дәрежесин асырыў, жеке меншик медицина мəкемелери раўажланыўын ҳәм бюджет қаржыларының мақсетли жумсалыўын тәмийинлеў, денсаўлықты сақлаў тараўын санластырыў мәселелери де қарап шығылды. Мәжилис даўамында өз ўазыйпасын орынлаўда немқурайдылық пенен қараған ҳәм қәте-кемшиликлерге жол қойған тараў басшыларына жаза шараларын қоллаў бойынша тапсырма берилди.
Қарақалпақстан Республикасы Жоқарғы Кеңесиниң Мәлимлеме хызмети