Қарақалпақстанда каустик сода ислеп шығарыўды жолға қойыў бойынша келисимге қол қойылды
1925
Алдын хабар бергенимиздей, ҳүрметли Президентимиздиң тапсырмасы менен Жоқарғы Кеңес Баслығы басшылығындағы Қарақалпақстан делегациясы Қытайда Өзбекстан-Қытай аймақлар аралық форумында қатнасып атыр. Форумда бир қатар ири инвестициялық жойбарлар бойынша бирге ислесиў бағдарында келисимлерге ерисилиўи режелестирилген.
Қарақалпақстан Республикасы Жоқарғы Кеңесиниң Баслығы Аманбай Орынбаев басшылығындағы Қарақалпақстан делегациясы форум шеңберинде «Xinjiang silk road golden camel» компаниясы жумыслары менен жақыннан танысты.
Компания админстрациясы менен еки тәреплеме бирге ислесиў, перспективалы жойбарлар үстинде жумыс алып барыў, сондай-ақ, Қарақалпақстан Республикасының Қоңырат районы аймағында дәслепки баҳасы 108,9 млн. долларлық каустик сода ислеп шығарыўды жолға қойыў бойынша келисимге ерисилди.
Айтып өтиў орынлы, Өзбекстан Республикасы ҳәм Қытай Халық Республикасы арасында бирге ислесиў бойынша әмелге асырылып атырған жумыслар көлеми жаңа басқышқа көтерилмекте. Бүгинги күнде Өзбекстанда Қытай капиталы қатнасындағы 2 мыӊнан аслам кәрхана нәтийжели жумыс алып бармақта.
Өткен жылы Қытай компаниялары қатнасында улыўма баҳасы дерлик 2 миллиард долларлық 60 тан аслам жойбар нәтийжели әмелге асырылған. Бул бағдарда Қарақалпақстанда да Қытай компаниялары менен бирге ислесиў бойынша бир қатар жумыслар әмелге асырылмақта.
Өткерилип атырған форум шеңберинде Қарақалпақстанда жаңа кәрхана ҳәм заводларды иске түсириў бойынша перспективалы жойбарларды әмелге асырыў бағдарындағы сөйлесиўлер даўам етпекте.
Айтып өтиў орынлы, Өзбекстан Республикасы ҳәм Қытай Халық Республикасы арасында бирге ислесиў бойынша әмелге асырылып атырған жумыслар көлеми жаңа басқышқа көтерилмекте. Бүгинги күнде Өзбекстанда Қытай капиталы қатнасындағы 2 мыӊнан аслам кәрхана нәтийжели жумыс алып бармақта.
Өткен жылы Қытай компаниялары қатнасында улыўма баҳасы дерлик 2 миллиард долларлық 60 тан аслам жойбар нәтийжели әмелге асырылған. Бул бағдарда Қарақалпақстанда да Қытай компаниялары менен бирге ислесиў бойынша бир қатар жумыслар әмелге асырылмақта.
Өткерилип атырған форум шеңберинде Қарақалпақстанда жаңа кәрхана ҳәм заводларды иске түсириў бойынша перспективалы жойбарларды әмелге асырыў бағдарындағы сөйлесиўлер даўам етпекте.
Қарақалпақстан Республикасы Жоқарғы Кеңесиниң Мәлимлеме хызмети