Өзбекстан Президенти Қытай Мәмлекетлик кеңеси Бас министри менен ушырасты
2702
Өзбекстан Республикасы Президенти Шавкат Мирзиёев Қытай Халық Республикасына мәмлекетлик сапарын ҚХР Мәмлекетлик кеңеси Бас министри Ли Цян менен ушырасыўдан баслады.
Халық жыйынлары үйинде өткен ушырасыўда көп қырлы әмелий бирге ислесиўди, ең дәслеп, саўда-экономикалық тараўда және де кеңейтиў мәселелери көрип шығылды.
ҚХР ҳүкимети басшысы еки мәмлекет жетекшилериниң сиясий көз-қарасы ҳәм биргеликтеги ҳәрекетлери себепли Өзбекстан-Қытай мүнәсибетлери барлық тараў ҳәм жөнелислерде үлкен көлемде көтерилгенлигин атап өтти.
Өткен жылда товар алмасыў 50 пайызға артып, рекорд көрсеткиш – 14 миллиард долларға жетти. Бул көрсеткишти, соннан, жоқары сапалы санаат ҳәм аўыл хожалығы өнимлерин өз-ара жеткерип бериўди көбейтиў есабына 20 млрд. долларға жеткериў ушын потенциал бар екенлиги атап өтилди. Қытайдан Өзбекстан экономикасына киргизилген инвестициялардың улыўмалық көлеми 14 млрд. доллардан асты.
Инфраструктураны модернизациялаў, санаат кооперациясын, аўыл хожалығында технологиялар трансферин кеңейтиў ҳәм «жасыл» энергетиканы раўажландырыў бойынша өз алдына бирге ислесиў бағдарламаларын таярлаў мәселелери талқыланды.
Сондай-ақ, Қытайдың жетекши банк-финанс институтлары менен әмелий бирге ислесиўди тереңлестириў ҳәмде Қытай компанияларының мәмлекетимиздеги меншиклестириў процеслеринде қатнасыўы перспективалары көрип шығылды.
22-январь күни Урумчи қаласында өткен биринши Өзбекстан-Қытай аймақлар аралық форумы ҳәм санаат көргизбеси нәтийжелери жоқары баҳаланды.
Қытайда усы күнлери билимлендириў форумы ҳәм Өзбекстан мәденияты күнлери нәтийжели өткерилип атырғанлығы атап өтилди. Тәреплер авиа қатнаўлар ҳәм туристлик алмасыўларды жәнеде кеңейтиў әҳмийетли екенлигин атап өтти.
Жуўмағында Президентимиз ҚХР Мәмлекетлик кеңеси Бас министрин сапар менен Өзбекстанға келиўге усыныс билдирди.
Өткен жылда товар алмасыў 50 пайызға артып, рекорд көрсеткиш – 14 миллиард долларға жетти. Бул көрсеткишти, соннан, жоқары сапалы санаат ҳәм аўыл хожалығы өнимлерин өз-ара жеткерип бериўди көбейтиў есабына 20 млрд. долларға жеткериў ушын потенциал бар екенлиги атап өтилди. Қытайдан Өзбекстан экономикасына киргизилген инвестициялардың улыўмалық көлеми 14 млрд. доллардан асты.
Инфраструктураны модернизациялаў, санаат кооперациясын, аўыл хожалығында технологиялар трансферин кеңейтиў ҳәм «жасыл» энергетиканы раўажландырыў бойынша өз алдына бирге ислесиў бағдарламаларын таярлаў мәселелери талқыланды.
Сондай-ақ, Қытайдың жетекши банк-финанс институтлары менен әмелий бирге ислесиўди тереңлестириў ҳәмде Қытай компанияларының мәмлекетимиздеги меншиклестириў процеслеринде қатнасыўы перспективалары көрип шығылды.
22-январь күни Урумчи қаласында өткен биринши Өзбекстан-Қытай аймақлар аралық форумы ҳәм санаат көргизбеси нәтийжелери жоқары баҳаланды.
Қытайда усы күнлери билимлендириў форумы ҳәм Өзбекстан мәденияты күнлери нәтийжели өткерилип атырғанлығы атап өтилди. Тәреплер авиа қатнаўлар ҳәм туристлик алмасыўларды жәнеде кеңейтиў әҳмийетли екенлигин атап өтти.
Жуўмағында Президентимиз ҚХР Мәмлекетлик кеңеси Бас министрин сапар менен Өзбекстанға келиўге усыныс билдирди.