“CSG” компаниясы менен биргеликтеги жойбарларды әмелге асырыў мәселелери көрип шығылды
2403
Өзбекстан Республикасы Президенти Шавкат Мирзиёевтиң Шэньчжэнь қаласына сапары шеңбериндеги гезектеги ушырасыў “CSG” компаниясы директорлар кеңеси баслығы Мэн Чжэньпин менен болды.
Қытайдың электр тармақлары тараўындағы жетекши компанияларынан бири “CSG” тармақларды қурыў ҳәм басқарыўға қәнигелескен. Компанияның базар капиталласыўы 60 миллиард долларды қурайды.
Ушырасыўда перспективалы кооперация жойбарларын әмелге асырыў мәселелери көрип шығылды. Қытай компаниясы қатнасыўында жойбарластырыў ҳәм инжиниринг бойынша заманагөй системаларды, энергетикалық қәўипсизликти тәмийинлеў ҳәм энергетика тармақларында жоғалтыўларды кемейтиў бойынша жоқары стандартларын енгизиўге айрықша итибар қаратылды.