Парламентлераралық аўқам Ассамблеясында Өзбекстан Сенатының баслығы әҳмийетли усыныс ҳәм басламаларды алға қойды
1871
Швейцарияның Женева қаласында Парламентлераралық аўқам (ПА)ның 148-Ассамблеясы болып өтпекте. Бир жылда еки рет өткерилетуғын Ассамблеяда дүньяның түрли мәмлекетлеринен жүзлеген парламент ағзалары, соның ишинде, Өзбекстан делегациясы қатнаспақта. ПА – миллий парламентлердиң глобаллық шөлкеми есапланады. 130 жыл алдын шөлкемлестирилген бул структура барлық мәмлекетлер арасында бирге ислесиў ҳәм сөйлесиўди хошаметлейтуғын дүньядағы биринши көп тәреплеме сиясий шөлкемлер болып есапланады. Бүгинги күнде ПАға 180 миллий парламент ҳәм 15 регионаллық парламент ағза. Структура демократияны үгит-нәсиятлайды ҳәм парламентлерди күшлирек, жақсырақ, «жасылырақ», гендер жақтан тенсалмақлы ҳәм инновациялық институтларға айландырыўға жәрдем береди. Бул ретки Ассамблея «Парламент дипломатиясы: тынышлық ҳәм өз-ара аўызбиршилик ушын көбирек жаратыў» атамасына бағышланды. Тийкарғы итибар улыўма темада делегатларға додалаў ушын платформа жаратыў ҳәм парламент жумысын күшейтиў бойынша пикир алысыўға қаратылды. 
Ассамблеяда Олий Мажлис Сенатының баслығы Танзила Норбоева шығып сөйлеп, әҳмийетли усыныс ҳәм басламаларды алға қойды. Соның ишинде, тез өзгерип атырған ҳәм алдыннан айтыў қыйын болған халықаралық жағдай ҳәм мәмлекетлераралық қатнасықларда бир-бирин түсиниў барған сайын төменлеп атырған бир дәўирде парламентлердиң роли ҳәр қашанғыдан да айрықша әҳмийетке ийе болып атырғаны атап өтилди. ПАның парламент дипломатиясын беккемлеўге қаратылған концептуаллық принциплерин толық қоллап-қуўатланған ҳалда айрықша итибар қаратыў керек болған тийкарғы бағдарларға тоқталды. Атап айтқанда, парламент дипломатиясы мәмлекетлер арасында исенимди беккемлеўдиң тийкарғы механизми сыпатында келиспеўшиликлердиң алдын алыўда әҳмийетли орын ийелеўи, парламентлер халықтың социаллық қорғаўға мүтәж қатламларының ҳуқықларын белсене қорғаў керек екени айрықша атап өтилди. Қатнасыўшылардың итибары парламент ағзалары арасында исенимли қатнасықларды орнатыўға, улыўма машқала ҳәм ўазыйпаларды шешиўге жәрдемлесетуғын регионаллық бирге ислесиў әҳмийетли екенине қаратылды. Ассамблеяда автономиялық қурал структуралары ҳәм жасалма интеллекттиң социаллық ҳәм гуманитарлық тәсирин сапластырыў ҳәм климаттың өзгериўине қарсы гүресиў бойынша бирге ислесиў: арзан жасыл энергиядан пайдаланыўды хошаметлеў ҳәм инновациялар, жуўапкершилик ҳәм әдилликти тәмийинлеў бойынша резолюциялар қабыл етилиўи күтилмекте. Улыўма тема бойынша жуўмақлаўшы ҳүжжет қабыл етилиўи де нәзерде тутылған.
Ассамблеяда Олий Мажлис Сенатының баслығы Танзила Норбоева шығып сөйлеп, әҳмийетли усыныс ҳәм басламаларды алға қойды. Соның ишинде, тез өзгерип атырған ҳәм алдыннан айтыў қыйын болған халықаралық жағдай ҳәм мәмлекетлераралық қатнасықларда бир-бирин түсиниў барған сайын төменлеп атырған бир дәўирде парламентлердиң роли ҳәр қашанғыдан да айрықша әҳмийетке ийе болып атырғаны атап өтилди. ПАның парламент дипломатиясын беккемлеўге қаратылған концептуаллық принциплерин толық қоллап-қуўатланған ҳалда айрықша итибар қаратыў керек болған тийкарғы бағдарларға тоқталды. Атап айтқанда, парламент дипломатиясы мәмлекетлер арасында исенимди беккемлеўдиң тийкарғы механизми сыпатында келиспеўшиликлердиң алдын алыўда әҳмийетли орын ийелеўи, парламентлер халықтың социаллық қорғаўға мүтәж қатламларының ҳуқықларын белсене қорғаў керек екени айрықша атап өтилди. Қатнасыўшылардың итибары парламент ағзалары арасында исенимли қатнасықларды орнатыўға, улыўма машқала ҳәм ўазыйпаларды шешиўге жәрдемлесетуғын регионаллық бирге ислесиў әҳмийетли екенине қаратылды. Ассамблеяда автономиялық қурал структуралары ҳәм жасалма интеллекттиң социаллық ҳәм гуманитарлық тәсирин сапластырыў ҳәм климаттың өзгериўине қарсы гүресиў бойынша бирге ислесиў: арзан жасыл энергиядан пайдаланыўды хошаметлеў ҳәм инновациялар, жуўапкершилик ҳәм әдилликти тәмийинлеў бойынша резолюциялар қабыл етилиўи күтилмекте. Улыўма тема бойынша жуўмақлаўшы ҳүжжет қабыл етилиўи де нәзерде тутылған.