Қазақстан Республикасының Манғыстаў областы Ақтаў қаласында өз-ара байланысларды еледе беккемлеў ҳәм бирге ислесиўди кеңейтиў бағдарында «Made in Uzbekistan. Industrial potential of Karakalpakstan» атамасындағы көргизбе-ярмаркасы өткерилген еди.

Бүгин еки ел арасындағы байланыслардың және бир көриниси ашық аспан астындағы амфитеатрда көрсетилди ҳәм туўысқанлық сазлары жаңлады. Республикамыздың ҳәм туўысқан халықтың көркем өнер ҳәм мәденият хызметкерлери биргеликте дослық ҳәм татыўлық жырларын жыйналғанлар нәзерине усынды.

Қарақалпақстан Республикасы Жоқарғы Кеңесиниң Мәлимлеме хызмети