Буннан соң, түрли миллет ўәкиллериниң миллий үрп-әдетлери ҳәм дәстүрлери жәмленген театрластырылған композициялар жыйналғанлар нәзерине усынылды.

Қарақалпақ, өзбек, қазақ, түркмен халықларының бет ашарлары, миллий дәстүрлериниң әжайып үлгилери ашылыў мәресиминиң шын мәнисинде гүлтажы болды десек алжаспаған боламыз. Бул арқалы түрли халықлардың миллий өзгешелиги көрсетилиў менен бир қатарда, халықлар дослығы, миллетлер аралық татыўлықтың үлгиси көрсетилип, бул өз нәўбетинде байрамға айланып кеткен ашылыў салтанатына өзгеше заўық бағышлады.