Нөкис қаласында «Ҳаял-қызлар оқыў орайын шөлкемлестириў» жойбары әмелге асырылады
1216
Қарақалпақстан Республикасы Жоқарғы Кеңесиниң Баслығы Аманбай Орынбаев Корея Эксим банкиниң EDCF фонды, Сукмюнг ҳаяллар университети, Ҳюндаи изертлеў институты ўәкиллери менен ушырасты. Онда Қарақалпақстан Республикасында ҳаял-қызларды исбилерменликке оқытыў ҳәм кәсипке бағдарлаў бойынша «Ҳаял-қызлар оқыў орайын шөлкемлестириў» жойбарын әмелге асырыў мәселелери талқыланды. 
Ушырасыўда белгиленген режелер тийкарында жойбар қурылыс жумысларын тез арада баслаў бойынша келисип алынды. Айтып өтиў орынлы, Корея Республикасының Эксим банки EDCF тәрепинен қаржыландырылыўы белгиленген жойбардың улыўма баҳасы 38 млн. доллар болып, ҳаял-қызларды кәсипке оқытыў, реал исбилерменликке бағдарлаў, ҳаял-қызлар исбилерменлигин кең жәмийетшиликке ен жайдырыў, бәнтлигин тәмийинлеўге қаратылған. Жойбар қурылысы ушын Нөкис қаласы аймағынан жер майданы ажыратылыўы белгиленген ҳәм иске түсирилиўи менен ҳаял-қызларды оқытыў ҳәм бир қатар хызмет көрсетиў тараўлары бойынша арнаўлы курсларды шөлкемлестириў режелестирилген. Өткерилген ушырасыўда усы белгиленген илажлар шеңберинде жумысларды жеделлестириў бойынша режелер белгилеп алынды. 
Ушырасыўда белгиленген режелер тийкарында жойбар қурылыс жумысларын тез арада баслаў бойынша келисип алынды. Айтып өтиў орынлы, Корея Республикасының Эксим банки EDCF тәрепинен қаржыландырылыўы белгиленген жойбардың улыўма баҳасы 38 млн. доллар болып, ҳаял-қызларды кәсипке оқытыў, реал исбилерменликке бағдарлаў, ҳаял-қызлар исбилерменлигин кең жәмийетшиликке ен жайдырыў, бәнтлигин тәмийинлеўге қаратылған. Жойбар қурылысы ушын Нөкис қаласы аймағынан жер майданы ажыратылыўы белгиленген ҳәм иске түсирилиўи менен ҳаял-қызларды оқытыў ҳәм бир қатар хызмет көрсетиў тараўлары бойынша арнаўлы курсларды шөлкемлестириў режелестирилген. Өткерилген ушырасыўда усы белгиленген илажлар шеңберинде жумысларды жеделлестириў бойынша режелер белгилеп алынды.
Қарақалпақстан Республикасы Жоқарғы Кеңесиниң Мәлимлеме хызмети