Жоқарғы Кеңес Баслығы Аманбай Орынбаев Тақыятас районындағы бир қатар мәҳәллелердиң пуқаралары менен ушырасып, машқалаларын тыңлады
1038
Дәслеп, шетки «Сарайкөл» аўыл пуқаралар жыйыны турғынлары менен ушырасқан Жоқарғы Кеңес Баслығы мәҳәлледеги инфраструктура менен байланыслы мәселелер басқышпа-басқыш өз шешимин табатуғынлығын, ҳүрметли Президентимиздиң тапсырмасы менен халқымыз турмысын жақсылаў бойынша орынлы көтерилген машқалалар, әлбетте, сапластырылатуғынлығын атап өтти. Усы орынның өзинде, пуқаралар таза ишимлик суўы менен байланыслы машқаласы бар екенлигин билдирген болса, бул машқаланы сапластырыўға 30 млн. сум қаржы ажыратылды. 
Буннан соң, «Жайҳун» мәҳәллеси турғынлары менен ушырасыўда газ тармақларын тартыў мәселеси көтерилип, бул машқаланы шешиў ушын керекли болған 30 млн. сум қаржыны бүгинниң өзинде ажыратыў бойынша тийисли тапсырма берилди. Пуқаралары менен пикирлесиў барысында Жоқарғы Кеңес Баслығы «Айдын жол» ҳәм «Дослық» мәкан пуқаралар жыйыны турғынлары менен де ушырасып, аўыр шараяттағы бул мәҳәллелерди абат етиў ушын Президентимиз тәрепинен тийисли қаржылар ажыратылғаны, инфраструктура менен байланыслы машқалалар өз шешимин табатуғынлығын айтып өтти. Өз нәўбетинде, пуқаралар да Президентимиздиң бундай итибары ҳәм ғамхорлығы ушын айрықша миннетдаршылығын билдирди. 
Жоқарғы Кеңес Баслығы район аймағында социаллық қорғаўға мүтәж шаңарақларды жайластырыў ушын қайта реконструкция исленип атырған объекттеги жумысларды барып көрди ҳәм қурылыс жумысларын сапалы етип жуўмағына жеткериў керек екенлигин атап өтти. Ҳәзирги ўақытта бул орында 45 шаңараққа мөлшерленип, оңлаў жумыслары әмелге асырылмақта. Сондай-ақ, қосымша 27 шаңарақты жайластырыў ушын жаңа имарат қурылыўы белгиленген. 
Буннан соң район орайындағы дийқан базары көзден өткерилди. Жуўапкерлерге қарыйдарлар ҳәм сатыўшыларға қолайлы шараятлар жаратыў, сондай-ақ, әмелге асырылыўы керек болған илажлар бойынша анық тапсырмалар берилди.
Буннан соң, «Жайҳун» мәҳәллеси турғынлары менен ушырасыўда газ тармақларын тартыў мәселеси көтерилип, бул машқаланы шешиў ушын керекли болған 30 млн. сум қаржыны бүгинниң өзинде ажыратыў бойынша тийисли тапсырма берилди. Пуқаралары менен пикирлесиў барысында Жоқарғы Кеңес Баслығы «Айдын жол» ҳәм «Дослық» мәкан пуқаралар жыйыны турғынлары менен де ушырасып, аўыр шараяттағы бул мәҳәллелерди абат етиў ушын Президентимиз тәрепинен тийисли қаржылар ажыратылғаны, инфраструктура менен байланыслы машқалалар өз шешимин табатуғынлығын айтып өтти. Өз нәўбетинде, пуқаралар да Президентимиздиң бундай итибары ҳәм ғамхорлығы ушын айрықша миннетдаршылығын билдирди. Жоқарғы Кеңес Баслығы район аймағында социаллық қорғаўға мүтәж шаңарақларды жайластырыў ушын қайта реконструкция исленип атырған объекттеги жумысларды барып көрди ҳәм қурылыс жумысларын сапалы етип жуўмағына жеткериў керек екенлигин атап өтти. Ҳәзирги ўақытта бул орында 45 шаңараққа мөлшерленип, оңлаў жумыслары әмелге асырылмақта. Сондай-ақ, қосымша 27 шаңарақты жайластырыў ушын жаңа имарат қурылыўы белгиленген. Буннан соң район орайындағы дийқан базары көзден өткерилди. Жуўапкерлерге қарыйдарлар ҳәм сатыўшыларға қолайлы шараятлар жаратыў, сондай-ақ, әмелге асырылыўы керек болған илажлар бойынша анық тапсырмалар берилди.