Аралбойы аймағында жасыл қапламаларды пайда етиў бойынша быйылғы жылғы жумыслар баслап жиберилди
949
Жақында ҳүрметли Президентимиз тәрепинен Қарақалпақстан бойынша әмелге асырылған ең ири жойбарлардың бири болған халықаралық әҳмийетке ийе А-380 автомобиль жолының «Қоңырат-Бейнеў» арасындағы жаңадан курылған 240 километри халқымыз ийгилиги ушын пайдаланыўға тапсырылған еди. Бүгин усы автомобиль жолы бойын көкилемзарластырыў мақсетинде Қарақалпақстан Республикасы Жоқарғы Кеңесиниң Баслығы Аманбай Орынбаев басшылығында 2025-жылғы сексеўил егиў мапазы баслап жиберилди. Онда Өзбекстан Республикасы Президентиниң кеңесгөйи Т.Худайбергенов, Министрлер Кеңесиниң Баслығы Ф.Эрманов, республика сектор басшылары ҳәм мәкеме-шөлкем жуўапкерлери қатнасты. 
Мапаз басланыўына арналған илажда үш әўлад ўәкиллери ҳәм депутатлар қатнасып, ең баслысы жаслар елимиздиң экологиясын жақсылаў жолында өзлериниң салмақлы үлесин қосты. Бүгинги басланған ийгиликли жумыслар шеңберинде халықаралық автомобиль жолының 890-1204-километр аралығындағы 314 км жол бойына 2800 гектар майданда шөлге шыдамлы 1 млн. 150 мың данаға жақын сексеўил ҳәм басқа да шөлге шыдамлы өсимликлерди егиў режелестирилген. 
Соны да атап өтиў керек, соңғы жыллары елимизде ҳүрметли Президентимиздиң басшылығында жасыл аймақларды кеңейтиў ҳәм экологиялық жағдайды жақсылаўға айрықша итибар қаратылып, өткен жыллар даўамында Арал теңизиниң қурыған майданларында «Жасыл қапламалар» жаратыў мақсетинде жәми 1,8 млн. гектар майданға сексеўил ҳәм басқа да шөлге шыдамлы өсимликлер егилди. Бундай ийгиликли ислер бүгинги күнде де қызғын даўам еттирилмекте. Быйылғы белгиленген «Қоршаған орталықты қорғаў ҳәм «жасыл» экономика жылы» бул бағдардағы илажлар көлемин жаңа басқышларға алып шығыўға беккем тийкар болады.
Мапаз басланыўына арналған илажда үш әўлад ўәкиллери ҳәм депутатлар қатнасып, ең баслысы жаслар елимиздиң экологиясын жақсылаў жолында өзлериниң салмақлы үлесин қосты. Бүгинги басланған ийгиликли жумыслар шеңберинде халықаралық автомобиль жолының 890-1204-километр аралығындағы 314 км жол бойына 2800 гектар майданда шөлге шыдамлы 1 млн. 150 мың данаға жақын сексеўил ҳәм басқа да шөлге шыдамлы өсимликлерди егиў режелестирилген. Соны да атап өтиў керек, соңғы жыллары елимизде ҳүрметли Президентимиздиң басшылығында жасыл аймақларды кеңейтиў ҳәм экологиялық жағдайды жақсылаўға айрықша итибар қаратылып, өткен жыллар даўамында Арал теңизиниң қурыған майданларында «Жасыл қапламалар» жаратыў мақсетинде жәми 1,8 млн. гектар майданға сексеўил ҳәм басқа да шөлге шыдамлы өсимликлер егилди. Бундай ийгиликли ислер бүгинги күнде де қызғын даўам еттирилмекте. Быйылғы белгиленген «Қоршаған орталықты қорғаў ҳәм «жасыл» экономика жылы» бул бағдардағы илажлар көлемин жаңа басқышларға алып шығыўға беккем тийкар болады.