Өзбекстан ҳәм Қазақстан Президентлери бирге ислесиўдиң әҳмийетли мәселелерин додалады
1227
Өзбекстан Республикасы Президенти Шавкат Мирзиёев 3-март күни Қазақстан Республикасы Президенти Қасым-Жомарт Тоқаев пенен телефон арқалы сөйлести.
Өзбекстан-Қазақстан дослық, стратегиялық шериклик ҳәм аўқамласлық қатнасықларын және де беккемлеў, өз-ара пайдалы әмелий бирге ислесиўди кеңейтиўдиң әҳмийетли мәселелери додаланды.
Еки мәмлекет жетекши кәрханаларының, бәринен бурын, саўда, энергетика, машина қурылысы, химия, қурылыс тармақлары, транспорт ҳәм логистика тараўларында кооперациялық жойбарларды әмелге асырыўға айрықша итибар қатарылды.
Усы мүнәсибет пенен жоқары дәрежедеги келисимлерге муўапық биргеликтеги экономикалық жойбарлар ҳәм мәдений-гуманитарлық бағдарламаларды әмелге асырыў бойынша ҳүкиметлер дәрежесинде турақлы ҳәм нәтийжели сөйлесиўлер алып барылып атырғаны унамлы баҳаланды.
Өзбекстан ҳәм Қазақстан жетекшилери халықаралық күн тәртиби ҳәм регионаллық бирге ислесиўдиң әҳмийетли тәреплери бойынша да пикир алысты.
Телефон арқалы сөйлесиў әддеттегидей дослық ҳәм исеним руўхында болып өтти.