Бул хызметлери, мийнет сүйгишлиги ҳәм жас әўладқа үлгиси екенлигин есапқа алып, Президентимиз Ойимжон Отажанованы «Өзбекстанға хызмет көрсеткен аўыл хожалығы хызметкери» атағы менен сыйлықлаўға қарар етти.
Мәмлекет басшысы дийқан ҳаялдың мийнетин тән алды
105
Президент Шавкат Мирзиёев Ханқа районындағы «Собиржон Юсуф» шаңарақлық фермер хожалығының атызында болды.
Оның басшысы Ойимжон Отажанова 73 жаста. Қолы гүл бул ҳаял нәлшилик пенен шуғылланып атырғанына қырқ жылдан асқан. Хожалықтың 3 гектар майданында мийўели ҳәм саяманлы терек нәллери жетистириледи. Және еки гектарда болса бағшылық етиледи. Буннан тысқары, 12 сотых ыссыханада 40 түрдеги гүл нәллери жетистириледи. Ыссыхана заманагөй суўды үнемлейтуғын технологиялар менен тәмийинленген болып, оның ҳәр бир бөлиминде нәллердиң түри ҳәм өзгешелигинен келип шығып зәрүр микроклимат жаратылған.
Ғайратлы ана шаңарақ ағзаларын да усы жумысқа баслаған. Жылына 50 мың түптен аслам нәллер жетистирилип, сатылады. Олардың жыллық дәраматы бир миллиард сумнан асады.
Итибарлы тәрепи, бул жерде жетистирилип атырған нәллер қоңсы аймақлар, Қазақстан ҳәм Түркменстанға да жеткерип берилмекте.
Бағ жайласқан Гүлистан мәҳәллесинде 7 мыңнан аслам халық жасайды. Жаслар ҳәм ҳаял-қызларға өрнек болып, оларды жумыс пенен тәмийинлеўде ананың хызметлери үлкен. Ол ҳәзирги ўақытқа шекем 200 ден аслам шәкирт жетистирип, 300 жумыссыз пуқараны нәлшиликке үйреткен.
Мәҳәлледеги 70 процент шаңарақ пенен жумысты үйге алып ислеў жолға қойылған.
Пидайы дийқан быйыл райондағы барлық мектеп ҳәм бақшаларға 2 мың қарағай нәлин бийғәрез тарқатып, «Жасыл мәкан» жойбарына, елимиздиң абаданлығына үлес қосты.
Бәнтлик министрлиги ҳәм банк пенен биргеликте хожалықтың тутас аймағында оқыў орайы ашылған. Онда хожалық тәжирийбеси тийкарында үйлердеги нәтийжесиз қыйтақ жерден жыл даўамында дәрамат алыўға үйретилмекте. Нәтийжеде мәҳәллелерде исбилерменлик кеңейип, шаңарақларға қосымша дәрамат кирип келмекте.
