Кегейлидеги мектепке қосымша имарат қурылып, пайдаланыўға тапсырылды
Соңғы жыллары елимизде билимлендириў тараўына айрықша итибар қаратылып, бул бағдарда билимлендириў мәкемелериниң материаллық-техникалық базасын беккемлеў, балалардың сапалы билим ийелеўи ушын қолайлы шараятлар жаратыў бағдарында кең көлемли илажлар әмелге асырылмақта.
Усы бағдардағы жумыслардың әмелий көринислериниң бири сыпатында Кегейли районындағы 55-санлы айрым пəнлер тереңлестирилип оқытылатуғын класы бар улыўма орта билим бериў мектебине улыўма баҳасы 5,2 миллиард сумлық, 320 орынға мөлшерленген қосымша мектеп имараты қурылды ҳәм бүгин Ғәрезсизлигимиздиң 34 жыллық байрамы алдынан пайдаланыўға тапсырылды.
Бул жаңа имканиятлар перзентлеримизге билим алыўда заманагөй шараятлар жаратыў, олардың билим ҳәм қәбилетлерин жүзеге шығарыў ушын хызмет етеди.