Нөкис қаласында Санаат Технопаркин қурыўдың концепциясын ислеп шығыў мәселелери талқыланды

Қарақалпақстан Республикасы Министрлер Кеңесиниң Баслығы Ф.Эрманов «Ostim» компаниялары топары басқарыў кеңеси баслығының орынбасары, бас директор Адем Арижи ҳәм «Ostim Global» өзбек-түрк санаат кластери басқарыў дирекциясының атқарыўшы директоры Жамшид Хидоятов пенен ушырасты.

Онда Нөкис қаласында Санаат Технопаркин қурыў концепциясын ислеп шығыў бойынша сөйлесиўлер алып барылды. Сондай-ақ, аймақтың санаат потенциалын арттырыў, инновациялық технологияларды тартыў, өндирис қуўатлықларын кеңейтиў ҳәм жаңа жумыс орынларын жаратыў мәселелери додаланды.

Айтып өтиў орынлы, ҳүрметли Президентимиздиң Қарақалпақстан ушын айрықша қабыл етилген Пәрманына муўапық Тиклениў ҳәм раўажланыў фондының 40 млн. доллар процентсиз кредит қаржылары есабынан Нөкис қаласында санаат технопаркин шөлкемлестириў ушын ислеп шығарыўға мөлшерленген имарат ҳәм объектлерди қурыў, сондай-ақ, ишки инженерлик-коммуникация тармағына жалғаў жумыслары алып барылыўы белгиленген.

Өткерилген ушырасыў даўамында коммерциялық усыныс ҳәм шәртнама шәртлери келисип алынды.