Төрткүл районында халықтың абадан турмысын арттырыў бағдарында әмелге асырылып атырған жумыслар үйренилди

Қарақалпақстан Республикасы Жоқарғы Кеңесиниң Баслығы Аманбай Орынбаев Төрткүл районындағы бир қатар социаллық объектлер, сондай-ақ, исбилерменлер жумыслары менен жақыннан танысты.

Дәслеп, «Янгиҳаёт» МПЖдағы «Лочин чорва комплекси» фермер хожалығының жүзимшиликти раўажландырыў, «Баҳор» МПЖдағы ыссыханасында банан жетистириўди жолға қойған қыйтақ жер ийеси Атажан Уразимбетовтиң жумыслары көзден өткерди. Егислик майданын мол дәрамат дерегине айландырып, жақсы нәтийже көрсетип атырған бундай мийнеткеш инсанлардың жумыслары көпшиликке үлги болыўы керек екенлиги атап өтилди. 

Буннан соң, «Яшнаобод» МПЖдағы 44-санлы мектепте оқыўшылардың сабақтан тыс ўақытларын нәтийжели шөлкемлестириў бойынша жолға қойылған жумыслар үйренилди. Келешек ийелери болған балаларға тәлим-тәрбия бериў менен бирге кәсип-өнерге де бағдарлаў ҳәр бир мектепте болыўы керек екенлиги айрықша тилге алынды.

«Зиёкор» МПЖ аймағындағы Президентимиздиң тапсырмасы менен қәўендерлик есабынан жаңадан қурылып атырған, 660 орынға мөлшерленген жаңа мектеп, «Шодлик МПЖда жаңадан қурылып атырған «Отажон Худайшукуров» атындағы амфитеатр, «EVRO-AZIA» ЖШЖ тәрепинен жаңадан қурылып атырған 119 квартиралы көп қабатлы үйлердиң қурылысы барысы да көзден өткерилди. Жуўапкерлерге тийисли тапсырмалар берилди.

Буннан кейин, «Тўрткўл шиша идишлари» ЖШЖ ҳәм «Нурота» АПЖдағы «Дунё мед строй» ЖШЖне қараслы жаңадан иске түсирилиў алдында турған клиника көзден өткерилди. Исбилерменлер жумысын қоллап-қуўатлаў, олардың өз бизнесин раўажландырыўы ушын жақыннан жәрдем бериў бойынша жуўапкерлерге анық тапсырмалар берилди.