Бүгин Өзбекстан Республикасы Президенти Шавкат Мирзиёев тәрепинен Республика көлеминде "Жасыл мәкан" улыўмамиллий жойбарына старт берилди

Онда Қарақалпақстан Республикасы ҳәм ўәлаятлардан видеобайланыс арқалы елимиз абаданлығына, «жасыл белбеў»лерди пайда етиўге үлес қосыўды нийет еткен республика белсендилери, жаслар, нураныйлар ҳәм ҳаял-қызлар, мәкеме, шөлкемлер хызметкерлери ҳәм кең жәмийетшилик ўәкиллери қатнасты.

Қарақалпақстан Республикасы Жоқарғы Кеңесиниң Баслығы Аманбай Орынбаев басшылығында Нөкис қаласы әтирапында терек нәллерин отырғызыў жумыслары баслап жиберилди.

Бүгинги күнде қала ҳәм районларымызда "Жасыл мәкан" улыўмамиллий жойбары шеңберинде терек нәллери егилип, бул жумыслар шөлкемлескенлик пенен алып барылмақта.