Olimpiya hám Paralimpiya oyınlarında qatnasıwı kútilip atırǵan sportshılar qollap-quwatlanbaqta

2021-jıl 28-aprel kúni Qaraqalpaqstan Respublikası Joqarǵı Keńesi Prezidiuminiń “2021-jılı Tokio qalasında (Yaponiya) bolıp ótetuǵın XXXII jazǵı Olimpiya hám XVI Paralimpiya oyınlarına licenziyanı  qolǵa kirgizgen hám qolǵa kirgiziwi kútilip atırǵan sportshılardı qollap-quwatlaw ilajları haqqında”ǵı arnawlı qararı qabıl etildi.

Qararǵa muwapıq, 2021-jılı Tokio qalasında (Yaponiya) bolıp ótetuǵın XXXII jazǵı Olimpiya hám XVI Paralimpiya oyınlarına licenziyanı qolǵa kirgizgen hám qolǵa kirgiziwi kútilip atırǵan sportshılardı sarıplaǵan kúsh-quwatın qayta tiklewge talap etiletuǵın bio-vitaminler menen úzliksiz támiyinlew ushın zárúr bolǵan jámi 260 million swm qarjı Olimpiya hám milliy sport túrleri boyınsha qánigelestirilgen Nókis joqarı sport sheberligi mektebi hámde Respublikalıq sporttıń jeke gúres túrleri boyınsha qánigelestirilgen balalar hám jas óspirimler sport mektebine ajıratıladı.

Maǵlıwmat ushın, búgingi kúnge deyin Tokio Olimpiadasına qılıshpazlıq sport túri boyınsha Sherzad Mamutov hám Zaynab Dayıbekova, grek-rim gúresinde Jalǵas Berdimuratov, dzyudo boyınsha  Sharapatdin Baltabaev, júziwden Ádilbek Yusupbaev jollama aldı.

Qaraqalpaqstan Respublikası Joqarǵı Keńesiniń baspasóz xızmeti