Tańlaw jenimpazı anıqlandı

27-iyul kúni Qaraqalpaqstan Respublikası Joqarǵı Keńesi janındaǵı Sociallıq sheriklik boyınsha jámiyetlik komissiyasınıń májilisi bolıp ótti.

Májilisti Qaraqalpaqstan Respublikası Joqarǵı Keńesiniń Sociallıq-mádeniy rawajlanıw hám jámiyetlik birlespeler máseleleri komitetiniń baslıǵı, Joqarǵı Keńes janındaǵı Sociallıq sheriklik boyınsha jámiyetlik komissiyanıń baslıǵı D.Qurbaniyazov ashtı hám alıp bardı.

Májiliste Qaraqalpaqstan Respublikası Joqarǵı Keńesi janındaǵı mámleketlik emes kommerciyalıq emes shólkemler hám puqaralıq jámiyetiniń basqa da institutların qollap-quwatlaw jámiyetlik fondı tárepinen mámleketlik sociallıq buyırpa boyınsha járiyalanǵan 4-tańlawdıń jeńimpazın anıqlaw maselesi kórip shıǵıldı.

Kún tártibindegi másele boyınsha jámiyetlik komissiya aǵzası, Mámleketlik emes kommerciyalıq emes shólkemler, ǵalaba xabar quralları  hám puqaralıq jámiyetiniń basqa da institutlarınıń baǵdarlaması hám joybarlarınıń sociallıq hámde ulıwma áhmiyetin anıqlaw boyınsha isshi topar baslıǵı U.Jalmenov shıǵıp sóyledi.

Májiliste Qaraqalpaqstan Respublikası Joqarǵı Keńesi janındaǵı mámleketlik emes kommerciyalıq emes shólkemler hám puqaralıq jámiyetiniń basqa da institutların qollap-quwatlaw jámiyetlik fondı tárepinen mámleketlik sociallıq buyırtpa boyınsha járiyalanǵan 4-tańlawǵa kelip túsken joybarlar qaralıp, olardıń mazmunı, tiykarǵı maqsetleri, ámelge asırıw mexanizmleri hám kútilip atırǵan nátiyjeleri dodalandı.

Májilis kún tártibinde kórilgen másele boyınsha jámiyetlik komissiya aǵzalarınan E.Durdiev, O.Qazaqbaev, G.Jollıbekova, T.Atamuratov, N.Elibaeva, Q.Bekbauliev sózge shıǵıp, ózleriniń pikir hám usınısların bildirdi.

“Aral altın miyrası” jámiyetlik birlespesiniń “Qaraqalpaqstan Respublikasınıń awıllıq aymaqlarında sociallıq mashqalalardı sheshiw hámde kem támiyinlengen xalıq, ásirese jaslar hám hayal-qızlarda isbilermenlik kónlikpelerin qáliplestiriw  hám olardıń bántligin támiyinlewdegi socillıq birge islesiwdiń innovaciyalıq mexanizmleri” atamasındaǵı joybarı komissiya aǵzaları tárepinen berilgen dawıslar tiykarında jeńimpaz dep tabıldı.

Qaraqalpaqstan Respublikası Joqarǵı Keńesiniń baspasóz xızmeti