Xalıqaralıq baqsıshılıq  kórkem óneri festivalınıń ashılıw máresimi bolıp ótti

Paytaxtımızda II Xalıqaralıq baqsıshılıq  kórkem óneri festivalı baslandı. Amfiteatrda festivaldıń saltanatlı ashılıw máresimi ótkerildi.

20 dan aslam mámleketten kelgen kórkem óner sheberleri qatnasıwı kútilip atırǵan  festivaldıń ashılıw máresiminde Ózbekstan Respublikası Senatı aǵzaları, Ministrler Kabineti wákilleri, ministrlik hám shólkemler basshıları, Joqarǵı Keńes deputatları, húkimet aǵzaları, festival qatnasıwshıları qatnastı.

Prezidentimizdiń Xalıqaralıq baqsıshılıq kórkem óneri festivalına jollaǵan qutlıqlawın Ózbekstan Respublikası Bas ministriniń orınbasarı A.Abduhakimov oqıp esittirdi.

Bunnan soń elimizge belgili kórkem óner sheberleri atqarıwında koncert baǵdarlaması ótkerildi. Hár bir aymaqtıń milliy ózgesheligin bildiriwshi kórgizbeli shıǵıwlar, yoshlı qosıqlar menen ayaq oyınlar bárshege birdey quwanısh baǵıshladı.