Qaraózek rayonında ámelge asırılıp atırǵan jumıslar úyrenildi

Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov ámelge asırılıp atırǵan jumıslar menen tanısıw maqsetinde Qaraózek rayonına bardı.

Dáslep, Joqarǵı Keńes Baslıǵınıń orınbasarı rayonlıq Abadanlastırıw basqarması jumısları menen jaqınnan tanıstı. Bul jerde jańadan shólkemlestirilgen ıssıxana jumısları kózden ótkerildi. 

Bunnan soń Toǵay xojalıǵı ıssıxanası hám pitomniginde shólkemlestirilgen jumıslar úyrenildi. Jańadan alıp kelingen texnikalar hám terek nállerin jetistiriw boyınsha qollanılıp atırǵan jańa texnologiyalar kózden ótkerilip, aldaǵı wazıypalar boyınsha tiyisli tapsırmalar berildi. 

Rayondaǵı 2-sanlı texnikumda jaslardı kásipke baǵdarlaw boyınsha shólkemlestirilgen jumıslardıń barısı da barıp kórildi. oqıwshılardı zamanagóy hám talap joqarı kásiplerge oqıtıw boyınsha anıq ilajlar kóriliwi kerek ekenligi atap ótilip, bul jerde kásip úyretiw sapasın jaqsılaw boyınsha mashqalalar da kórip shıǵıldı. Imaratta qosımsha qurılıs jumısların alıp barıw ushın zárúr texnikalıq tiykarlardı tayarlaw baǵdarında ilajlardı kóriw boyınsha juwapkerlerge anıq tapsırmalar berildi.