Qoraqalpog'iston Respublikasida tashkil etilgan Kichik va Yoshlar sanoat zonalarida o‘z tadbirkorligini boshlash istagi bor tashabbuskorlarga bir nechta imtiyozlar takdim etilgan

Shundan: - kichik sanoat zonasining bo‘linish chegarasiga qadar kommunikatsiya tarmoqlari bilan ta'minlab beriladi; - O‘zbekiston Respublikasi Prezidentining 2023 yil 8-avgust kungi 129-sonli farmoniga asosan kichik va yoshlar sanoat zonalaridan olingan er maydonlari va inshootlar investitsion majburiyatlarini bajargan tadbirkorlarga xususiylashtirib beriladi; - 5 yil imtiyozli davr bilan 10 yilga imtiyozli kredit beriladi; - Zarur uskunalarni olib kelishda bojxona imtiyozlari tatbiq qilinadi; - auktsiondan sotib olingan er maydonlariga bo‘lgan to‘lovlarni 24 oy davomida bo‘lib to‘lash imkoniyati beriladi. Aytib o‘tish zurur, Nukus shahri va tumanlarda 234,6 gektar er maydonlarida 31 kichik sanoat zonalari tashkil etilgan, ular 807 lotlarga bo‘lingan. Shundan, er maydoni 103,8 ga bo‘lgan 310 lotlar tadbirkorlik sub’ektlariga ajratilib berilgan. Qolgan 72,5 ga er maydonidagi 496 lotlardan 61,8 ga er maydonidagi 447 lotlar Elektron onlayn-auktsionga chiqarilib, bugungi kunda er maydoni 38,6 ga bo‘lgan 223 lotlar savdoda. Shu jumladan, respublikamizda umumiy maydoni 41,7 gektar bo‘lgan 17 Yoshlar sanoat va tadbirkorlik zonalari tashkil etilgan, ular 484 lotlarga bo‘lingan. Shundan, er maydoni 1,82 ga bo‘lgan 24 lot tadbirkorlik sub’ektlariga ajratilib berilgan. Qolgan 23,9 ga er maydonidagi 460 lotdan 20,65 ga maydondagi 383 lot elektron onlayn-auktsionga chiqarilib, bugungi kunda 12,7 ga er maydonidagi 230 lot savdoda. O‘z loyihalarini amalga oshirishni niyat qilgan tashabbuskorlar yuqorida ko‘rsatilib o‘tilgan imtiyozlardan foydalanib, tadbirkorligini boshlashiga imkoniyat bor.