Ajiniyoz Qo‘siboy o‘g'lining 200 yilligi munosabati bilan tashkil etilgan xalqaro ilmiy-nazariy konferentsiyaning ochilish marosimi o‘tkazildi
1870
Bugun Nukus shahridagi Oqqush kompleksida joylashgan qora uyda Qoraqalpoq klassik adabiyotining yorqin namoyondasi Ajiniyoz Qo‘siboy o‘g'lining 200 yillik yubileyi munosabati bilan tashkil etilgan xalqaro ilmiy-nazariy konferentsiya va badiiy-adabiy kechaning ochilish marosimi bo‘lib o‘tdi. Unda Qoraqalpog'iston Respublikasi Jo‘qorg'i Kengesining Raisi Amanbay Orыnbaev so‘zga chiqib, hurmatli Prezidentimiz tashabbusi bilan buyuk mutafakkir bobomiz tavalludining 200 yilligi YuNESKO doirasida nishonlanadigan xalqaro yubileylar qatoriga kiritilgani, Ajiniyoz Qo‘siboy o‘g'lining nomini abadiylashtirish bo‘yicha qator ishlar amalga oshirilayotganini ta'kidladi. Darhaqiqat, xalqimiz tarixi va adabiyotida o‘chmas iz qoldirgan Ajiniyoz Qo‘siboy o‘g'li kelajak avlodlar, adabiyot ixlosmandlari uchun bebaho meros qoldirib ketgan, xalqimiz ma'naviyatini boyitishga hissa qo‘shgan buyuk so‘z zargari, donishmand shoirlarimizdan sanaladi. 
Hurmatli Prezidentimizning maxsus qarori asosida buyuk mutafakkir bobomizning yubileyi mamlakatimizda va xalqaro miqyosda nishonlanib, qator ezgu ishlar amalga oshirilmoqda. O‘tkazilgan ochilish marosimida so‘zga chiqqan olimlar Ajiniyoz Qo‘siboy o‘g'lining har qanday davrda ham o‘z qiymatini yo‘qotmaydigan bebaho asarlari qadri yillar o‘tgan sayin ortib borishini, uning qoldirgan merosi yanada xalqimiz ma'naviyatini boyitishda xizmat qilishini ta'kidladilar. Ochilish marosimi davomida bir qator olimlar va jamoat arboblariga Qoraqalpog'iston Respublikasi Jo‘qorg'i Kengesining "Faxriy yorlig'i" topshirildi. Bundan so‘ng san’at va madaniyat xodimlari ijrosidagi kontsert dasturi yig'ilganlar e’tiboriga havola etildi.
Hurmatli Prezidentimizning maxsus qarori asosida buyuk mutafakkir bobomizning yubileyi mamlakatimizda va xalqaro miqyosda nishonlanib, qator ezgu ishlar amalga oshirilmoqda. O‘tkazilgan ochilish marosimida so‘zga chiqqan olimlar Ajiniyoz Qo‘siboy o‘g'lining har qanday davrda ham o‘z qiymatini yo‘qotmaydigan bebaho asarlari qadri yillar o‘tgan sayin ortib borishini, uning qoldirgan merosi yanada xalqimiz ma'naviyatini boyitishda xizmat qilishini ta'kidladilar. Ochilish marosimi davomida bir qator olimlar va jamoat arboblariga Qoraqalpog'iston Respublikasi Jo‘qorg'i Kengesining "Faxriy yorlig'i" topshirildi. Bundan so‘ng san’at va madaniyat xodimlari ijrosidagi kontsert dasturi yig'ilganlar e’tiboriga havola etildi.