Qoraqalpog‘iston delegatsiyasi Koreya Respublikasi va Markaziy Osiyo hududlararo hamkorlik forumida ishtirok etmoqda

Bugun ikki tomonlama hamkorlikni kengaytirish va yangi loyihalarni ishga tushirish bo‘yicha Janubiy Koreya davlatida birinchi "Koreya Respublikasi va Markaziy Osiyo hududlararo hamkorlik forumi" o‘tkazilmoqda. Forum doirasida Qoraqalpog‘iston Respublikasi Jo‘qorg‘i Kengesining Raisi Amanbay Orinbayev so‘zga chiqib, hurmatli Prezidentimizning alohida e’tibori bilan tadbirkorlikni rivojlantirish va investitsion jozibadorlikni oshirish borasida Qoraqalpog‘iston uchun alohida qabul qilingan qaror va farmonlar, shu asosda yaratilgan imkoniyatlar haqida keng to‘xtalib o‘tdi. Darhaqiqat, bugungi kunda yaratib berilgan shunday imkoniyatlar asosida respublikamizda tadbirkorlar soni ortib, yangidan yangi investitsiya loyihalari ishga tushirilmoqda. Bugungi o‘tkazilayotgan forum bu boradagi ishlarning davomi sifatida yangi loyihalar ustida yaqin sheriklikni yo‘lga qo‘yish va ishga tushirishga mustahkam asos bo‘ladi, desak, ayni haqiyqat bo‘ladi.

Qoraqalpog‘iston Respublikasi Jo‘qorg‘i Kengesi Axborot xizmati