Istanbul universitetida Ajiniyoz Qo‘siboy o‘g'lining 200 yilligiga bag'ishlangan amaliy konferentsiya bo‘lib o‘tdi
1373
Bugun Turkiyaning Istanbul universitetida buyuk shoir Ajiniyoz Qo‘siboy o‘g'li tavalludining 200 yilligiga bag'ishlangan "Ma'naviy olam kuychisi" mavzusida amaliy konferentsiya bo‘lib o‘tdi. Konferentsiyada "Turksoy" xalqaro turkiy madaniyat tashkiloti bo‘lim boshlig'i Sanjar Mo‘lazimo‘g'lu, Qoraqalpog'iston Respublikasi Vazirlar Kengashi Raisining o‘rinbosari Rasul Zarikeev so‘zga chiqib, o‘tkazilayotgan tadbirning ahamiyatiga keng to‘xtaldi.
Bundan so‘ng, Istanbul universiteti va Qoraqalpog'istondan tashrif buyurgan olimlar so‘zga chiqib, buyuk shoirning adabiy merosi, uning turkiy xalqlar adabiyoti va madaniyatida tutgan o‘rni haqida keng ma'ruzalar qilishdi. Ta'kidlanganidek, hurmatli Prezidentimizning "Qoraqalpoq xalqining atoqli shoiri va mutafakkiri Ajiniyoz Qo‘siboy o‘g'li tavalludining 200 yilligini keng nishonlash to‘g'risida"gi qarori va uning YuNESKOning xalqaro yubileylar rejasiga kiritilgani qalblarga faxr tuyg'ularini baxsh etmoqda. 
Darhaqiqat, xalqimiz tarixi va adabiyotida o‘chmas iz qoldirgan Ajiniyoz Qo‘siboy o‘g'li kelajak avlodlar, adabiyot ixlosmandlari uchun bebaho meros qoldirib ketgan buyuk so‘z zargari, donishmand shoirlarimizdan sanaladi. Shoir merosini keng jamoatchilikka, dunyo xalqlariga yaqindan tanishtirish borasida joriy yilning o‘zida ko‘plab tadbirlar amalga oshirildi. "Ajiniyoz" operasi qayta sahnalashtirildi, "Ajiniyoz" badiiy-publitsistik filmi suratga olindi, Nukus davlat pedagogika institutida shoirning muzeyi tashkil etildi, poytaxtimizda "So‘zla bulbul zibonim" nomli xalqaro konferentsiya o‘tkazilib, Toshkent shahrida shoirning yubileyi keng nishonlandi. Anjumanda turkiyalik yoshlarga turkiy xalqlarning ham buyuk shoiri hisoblangan Ajiniyoz Qo‘siboy o‘g'lining ijodi keng tanishtirildi.
Bundan so‘ng, Istanbul universiteti va Qoraqalpog'istondan tashrif buyurgan olimlar so‘zga chiqib, buyuk shoirning adabiy merosi, uning turkiy xalqlar adabiyoti va madaniyatida tutgan o‘rni haqida keng ma'ruzalar qilishdi. Ta'kidlanganidek, hurmatli Prezidentimizning "Qoraqalpoq xalqining atoqli shoiri va mutafakkiri Ajiniyoz Qo‘siboy o‘g'li tavalludining 200 yilligini keng nishonlash to‘g'risida"gi qarori va uning YuNESKOning xalqaro yubileylar rejasiga kiritilgani qalblarga faxr tuyg'ularini baxsh etmoqda. Darhaqiqat, xalqimiz tarixi va adabiyotida o‘chmas iz qoldirgan Ajiniyoz Qo‘siboy o‘g'li kelajak avlodlar, adabiyot ixlosmandlari uchun bebaho meros qoldirib ketgan buyuk so‘z zargari, donishmand shoirlarimizdan sanaladi. Shoir merosini keng jamoatchilikka, dunyo xalqlariga yaqindan tanishtirish borasida joriy yilning o‘zida ko‘plab tadbirlar amalga oshirildi. "Ajiniyoz" operasi qayta sahnalashtirildi, "Ajiniyoz" badiiy-publitsistik filmi suratga olindi, Nukus davlat pedagogika institutida shoirning muzeyi tashkil etildi, poytaxtimizda "So‘zla bulbul zibonim" nomli xalqaro konferentsiya o‘tkazilib, Toshkent shahrida shoirning yubileyi keng nishonlandi. Anjumanda turkiyalik yoshlarga turkiy xalqlarning ham buyuk shoiri hisoblangan Ajiniyoz Qo‘siboy o‘g'lining ijodi keng tanishtirildi.