Qoraqalpog'iston Respublikasi Maktabgacha va maktab ta'limi vazirligining navbatdagi hay’at yig'ilishi o‘tkazildi

Hay’at yig'ilishida Qoraqalpog'iston Respublikasi Jo‘qorg'i Kengesi Qo‘mita raisi M.Atamuratov, Qoraqalpog'iston Respublikasi Maktabgacha va maktab ta'limi vaziri G.Kojabaeva, Vazirlik bo‘lim boshliqlari, tuman (shahar) maktabgacha va maktab ta'limi bo‘lim boshliqlari, ro‘yxatdagi umumiy o‘rta ta'lim maktablari va maktabgacha ta'lim tashkilotlari direktorlari, respublika bo‘ysunuvidagi ta'lim muassasalari rahbarlari ishtirok etdi. O‘tkazilgan tadbir davomida asosan umumiy o‘rta ta'lim maktablarining chet tili o‘qituvchilari kamida B2 darajadagi milliy yoki xalqaro sertifikatga ega bo‘lishi, o‘qituvchilarning malaka toifasiga ega bo‘lishi, ta'lim sifati yuqori bo‘lmagan maktablar, ixtisoslashtirilgan maktablarning baholash tizimini umumiy o‘rta ta'lim maktablariga joriy etish, 5 yildan buyon asosiy fan olimpiadasiga tuman (shahar) bosqichida sovrinli o‘rin olmagan maktablar, e-maktab platformasida olib borilayotgan ishlar, edo.ijro platformasiga kelib tushgan hujjatlarning ijrosi, maktab bitiruvchilarining oliy o‘quv yurtlariga kirish ko‘rsatkichlari, vazirlik tomonidan maktabgacha ta'lim tashkilotlarida o‘rganilgan ishlar keng tahlil qilindi. Yig'ilish yakunida yaqinda xususiy maktabgacha ta'lim tashkilotida bo‘lgan salbiy holat keng muhokama qilindi. Kelgusida bunday holatlarning yuz berishi va oldini olish bo‘yicha barcha tegishli choralar ko‘rilishi haqida topshiriq berildi. Shuningdek, ko‘rilgan masalalar bo‘yicha hay’at a'zolari tomonidan tegishli qarorlar qabul qilindi va bajarilishi lozim bo‘lgan vazifalar belgilab olindi.