Hurmatli Prezidentimizning Qoraqalpog'iston Respublikasini kompleks rivojlantirish, tadbirkorlikni qo‘llab-quvvatlash va aholining farovon turmushini ta'minlash borasidagi yana bir alohida muhim farmoni qabul qilindi

✅ Farmonga muvofiq, yangidan 3 muassasa tashkil etildi: 1. "Qoraqalpog'iston Respublikasida loyihalarni amalga oshirish markazi" loyiha ofisi; 2. Qoraqalpog'iston Respublikasi Vazirlar Kengashi huzuridagi Tadbirkorlikka ko‘maklashish direktsiyasi; 3. Vazirlar Mahkamasi tuzilmasida Tashqi beg'araz ko‘mak mablag'larini (grantlarni) jalb etish va donorlar bilan ishlash bo‘limi. 1. "Qoraqalpog'iston Respublikasida loyihalarni amalga oshirish markazi" loyiha ofisi Qoraqalpog'iston Respublikasining har bir tumani (shahri) ning o‘sish nuqtalarini aniqlaydi va tahlil qiladi. Shu bilan birga: ➡ er uchastkalari va ularda joylashtiriladigan qishloq xo‘jaligi ekinlari turlarini aniqlash, shuningdek, mazkur er uchastkalaridan olinadigan daromadlarni ko‘paytirish bo‘yicha zarur chora-tadbirlarni ishlab chiqadi; ➡ mahsulotlarni chuqur qayta ishlash sohasidagi investitsiya loyihalarining manzilli ro‘yxatlarini kelishadi hamda strategik investorlarni jalb qiladi; ➡ hududning imkoniyatlaridan kelib chiqib, sanoat loyihalarining joylashtirilishini muvofiqlashtiradi va kelishadi; ➡ turizmning yangi va salohiyatli yo‘nalishlarida mavjud imkoniyatlarni ishga soladi. 2. Qoraqalpog'iston Respublikasi Vazirlar Kengashi huzuridagi Tadbirkorlikka ko‘maklashish direktsiyasi Nukus shahri va tumanlarda sanoat ob’ektlari uchun bino qurish, ularni ijaraga berish, sotish va boshqa muhim vazifalarni amalga oshiradi. 3. Vazirlar Kengashi tuzilmasida tashkil etilgan Tashqi beg'araz ko‘mak mablag'larini (grantlarni) jalb etish va donorlar bilan ishlash bo‘limi grant loyihalarini jalb etish maqsadidagi tomonlarga yaqindan ko‘maklashadi. Bundan tashqari, ushbu farmon bilan bir qator imtiyozlar berildi. Xususan, Vazirlar Kengashining qarori asosida 2025-2027 yillarda Nukus shahrida kamida 500 ming AQSh dollari, Amudaryo, Xo‘jayli, Qo‘ng'irot va Nukus tumanlari uchun 300 ming AQSh dollari, shuningdek qolgan Ellikqal’a, Beruniy, To‘rtko‘l, Taxiatosh, Kegeyli, Bo‘zatov, Chimboy, Qorao‘zak, Taxtako‘pir, Shumanay, Qonliko‘l, Mo‘ynoq tumanlari uchun 100 ming AQSh dollari ekvivalentida bo‘lgan yirik investitsiya loyihalari uchun (shu jumladan, chet el investitsiyalari ishtirokidagi korxonalarga, erkin iqtisodiy zonalar, kichik sanoat zonalari, yoshlar sanoat va tadbirkorlik zonalari hududlarida) er uchastkalarini uzoq muddatli ijara huquqi bilan berish tartibi joriy etiladi. ✅ 2025-2026 yillarda Qoraqalpog'iston Respublikasida sanoatni rivojlantirish uchun tarmoqlarga ajratilgan mablag'lar hisobidan 100 mln AQSh dollar ajratildi. Bunda: - Nukus shahri, Amudaryo, Qonliko‘l, Nukus, Qo‘ng'irot va Chimboy tumanlarida kichik sanoat zonalari tashkil etilib, barcha qulayliklar va infratuzilmaga ega bo‘lgan binolar quriladi va investorlarga taqdim etiladi; - Kichik va o‘rta biznes loyihalarini moliyalashtirish uchun tadbirkorlarga 10 milliard so‘mgacha imtiyozli kredit beriladi, ya’ni kreditlar yillik 14 foiz stavkada, 7 yilgacha muddatga, shu jumladan, 2 yillik imtiyozli davr bilan ajratiladi. ✅ 2025-2026 yillar davomida qishloq xo‘jaligiga mo‘ljallangan erlarni ijaraga berish tartibi engillashtiriladi, ya’ni: ➡ Muddatini keyinchalik uzaytirish imkoniyati bilan ijara muddati 30 yildan 49 yilga uzaytirildi. ➡ 35 ming gektar bo‘sh turgan qishloq xo‘jaligiga mo‘ljallangan er uchastkalari elektron onlayn auktsion savdolariga chiqariladi. - elektron onlayn auktsion savdolarida er uchastkasining boshlang'ich narxi er uchastkasi normativ qiymatining 20 foizi miqdorida, qayta foydalanishga kiritiladigan er uchastkalarining boshlang'ich narxi normativ qiymatining 10 foizi miqdorida belgilanadi; - er uchastkasi narxini 10 yil davomida bo‘lib-bo‘lib to‘lashga ruxsat beriladi. ➡ Elektron onlayn auktsion savdolari orqali ajratiladigan qishloq xo‘jaligiga mo‘ljallangan barcha turdagi er uchastkalarini ijaraga oluvchilar qishloq xo‘jaligi ekinlarining turlari va hajmlari, shuningdek ularni etishtirish va agrotexnik tadbirlarni o‘tkazish usullarini mustaqil ravishda o‘zlari belgilaydi. ➡Ijaraga beriladigan er uchastkalari chetlarida, 20 sotixgacha o‘lchamda mulk huquqisiz engil konstruktsiyali muzlatkichli omborxonalar, saralash, qayta ishlash va qadoqlash ob’ektlari, suv tejovchi texnologiyalar, suv saqlash hovuzlari, dala shiyponlari va texnika parklarini qurishga ruxsat berildi. ✅ Xalqaro moliya institutlarini jalb qilgan holda yuqori qiymatli qishloq xo‘jaligi mahsulotlarini etishtirish hajmini oshirish va yangi ish o‘rinlarini yaratish maqsadida Bo‘zatov va Taxtako‘pir tumanlarida foydalanilmasdan bo‘sh turgan chorvachilik majmualarida yirik va mayda shoxli qoramollar boqishni yo‘lga qo‘yish uchun ozuqa ekinlari etishtirishga zaxira erlardan qishloq xo‘jaligiga mo‘ljallangan er uchastkalari elektron onlayn auktsion savdolariga chiqariladi. ✅ 2025 yilda qurg'oqchilikka chidamli ekinlarni joylashtirish hajmi oshiriladi, qishloq xo‘jaligi mahsulotlarini ishlab chiqaruvchilar zamonaviy agrotexnologiyalarga amaliy o‘qitiladi, shu jumladan, ushbu texnologiyalarni qo‘llagan holda 10 tumanda 2-3 ekinga ixtisoslashtirilgan namunali dalalar yaratilishi tashkil etiladi. ✅ 2025 yil yakuniga qadar hududda qo‘shimcha go‘sht va sut mahsulotlarini ishlab chiqarishni rivojlantirish maqsadida yirik shoxli mol, qo‘y va echkilarni ko‘paytirish uchun embrionlarni ko‘chirib o‘tkazish texnologiyalari bilan jihozlangan 4 ta biotexnologik markaz tashkil etilmoqda. ✅ Shu yili Xo‘jayli tumanida chorvachilik texnikalariga kompleks xizmat ko‘rsatuvchi texnika-servis markazlari xususiy tadbirkorlik sub’ektlari tomonidan tashkil etiladi. Bunda: - "O‘zagrolizing" AJ tomonidan 44 dona chorvachilik texnikasi 10 yil muddatga yillik 14 foiz stavkada boshlang'ich to‘lovi 15 foiz qilib, texnika-servis markazlariga lizing asosida beriladi. Boshlang'ich badal bo‘lsa, subsidiya hisobidan qoplanadi; ✅ 2026-2027 yillarda sug'orish tarmoqlarini rekonstruktsiya qilish uchun xalqaro moliya institutlari va xorijiy hukumat moliya tashkilotlarining mablag'lari ajratiladi: ➡ Nukus tumanidagi Bo‘zatov kanalining 46 kilometri; ➡Qorao‘zak tumanidagi Esimo‘zak kanalining 69 kilometr qismi rekonstruktsiya qilinadi. ✅ 2025 yil yakuniga qadar Qoraqalpog'iston Respublikasiga 5 zemsnaryad olib kelinadi. ✅ "Talliq" kanalining Qo‘ng'irot va Mo‘ynoq tumanlaridagi 106 kilometrgacha bo‘lgan qismi 2026-2030 yillarda rekonstruktsiya qilinadi. ✅ Qoraqalpog'iston Respublikasida "A" virusli gepatit kasalligining oldini olish uchun kasallikka qarshi vaktsinatsiya qilish Milliy profilaktik emlash kalendariga kiritiladi va O‘zbekiston Respublikasi respublika byudjetidan zarur mablag'lar ajratiladi. ✅ Foydalanilmayotgan davlat ijtimoiy sohasining mulk ob’ektlari investitsiya loyihalarini amalga oshirish majburiyati bilan elektron onlayn auktsion savdolariga chiqariladi. ✅ Tijorat banklarining balansidagi mulk ob’ektlari bozor narxida qayta baholanib, 10 yil davomida bo‘lib-bo‘lib to‘lash sharti bilan elektron onlayn auktsion savdolariga chiqarishga ruxsat beriladi.