Jo‘qorg‘i Kenges Raisining Mo‘ynoq, Qo‘ng‘irot, Shumanay va Qonliko‘l  tumanlaridagi tadbirkorlar uchun sayyor qabuli bo‘lib o‘tdi

Joriy yilning 18-may kuni Qonliko‘l tumanida Qoraqalpog‘iston Respublikasi Jo‘qorg‘i Kengesi Raisi Amanbay Orinbayevning Mo‘ynoq, Qo‘ng‘irot, Shumanay va Qonliko‘l tumanlaridagi tadbirkorlarni qiynab kelayotgan muammolar va takliflari bo‘yicha sayyor qabuli bo‘lib o‘tdi.

Dastlab, Jo‘qorg‘i Kenges Raisi bugungi kunda hurmatli Prezidentimiz tomonidan Qoraqalpog‘istonda tadbirkorlikni rivojlantirish va qo‘llab-quvvatlash, investitsion jozibadorlikni oshirish bo‘yicha alohida qabul qilingan farmon va qarorlari asosida yaratilgan imkoniyatlarni keng turda ta’kidlab o‘tdi.

Bundan so‘ng tadbirkorlarning murojaatlari tinglanib, joyida yechimini topish choralari ko‘rildi.

Qabulda asosan tadbirkorlikni rivojlantirish borasida duch kelayotgan muammolar, moliyalashtirish va kredit ajratish masalalari, kadastr hujjatlarini rasmiylashtirish, yer maydonlarini ajratish, byurokratik to‘siqlar, ishlab chiqarishni yo‘lga qo‘yish va kengaytirish borasida murojaatlar bildirildi.

Bildirilgan murojaatlarning aksariyatiga joyida yechim topish choralari ko‘rildi. Bundan tashqari, vaqt talab etiladigan murojaatlar Jo‘qorg‘i Kenges Raisining shaxsiy nazoratiga olinib, tez fursatda ijobiy hal etish bo‘yicha tegishli soha rahbarlariga topshiriqlar berildi.