QDUda Ekotizimlar va bioxilma-xillikni muhofaza qilish bo‘yicha O‘zbekiston-Germaniya markazi - UzGEBning tantanali ochilish marosimi bo‘lib o‘tdi

Berdaq nomidagi Qoraqalpoq davlat universitetida "Biologik xilma-xillikni muhofaza qilish va O‘zbekiston Respublikasidagi ekotizimlar - O‘zbekiston Respublikasi va Germaniya Federativ Respublikasi o‘rtasidagi hamkorlik salohiyati" mavzusida xalqaro ilmiy-amaliy konferensiya o‘tkazildi. 

Konferensiya doirasida Berdaq nomidagi Qoraqalpoq davlat universitetida Ekotizimlar va bioxilma-xillikni muhofaza qilish bo‘yicha O‘zbekiston-Germaniya markazi - UzGEBning tantanali ochilish marosimi bo‘lib o‘tdi.

Tadbirda Qoraqalpog‘iston Respublikasi Jo‘qorg‘i Kengesi Raisining o‘rinbosari R.Saparbayev, O‘zbekiston va Germaniyaning ilm-fan, ta’lim va innovatsiya sohasidagi yetakchi muassasalari vakillari ishtirok etdi.

Tadbirda Markazning ochilishi nafaqat ilm-fan, balki ekologik xavfsizlik, barqaror rivojlanish va xalqaro ilmiy hamkorlik uchun muhim voqea ekanligini ta’kidladi.

Ushbu Markaz mintaqaviy va xalqaro miqyosda ekologik barqarorlikni ta’minlashga qaratilgan muhim tashabbus bo‘lib, u O‘zbekistonning barqaror rivojlanish strategiyasiga hamohang tarzda faoliyat yuritadi.