Belbog‘li kurash bo‘yicha Jahon va Osiyo chempionati bahslarining ochilish marosimi o‘tkazildi

Bugun Nukus shahridagi 1-sonli sport maktabida (Manej) sportning Belbog‘li kurash turidan O‘zbekiston Respublikasi Prezidenti sovrini uchun o‘smir o‘g‘il bolalar va qizlar o‘rtasida Jahon va Osiyo chempionati musobaqalarining ochilish marosimi bo‘lib o‘tdi.

Unda Qoraqalpog‘iston Respublikasi Jo‘qorg‘i Kengesining Raisi Amanbay Orinbayev so‘zga chiqib, barcha ishtirokchilarni musobaqaning ochilishi munosabati bilan tabrikladi va omad tiladi.

Bundan so‘ng kun davomida o‘tkazilishi belgilangan sport musobaqalari boshlab yuborildi.

Ta’kidlanganidek, so‘nggi yillarda yurtimizda hurmatli Prezidentimiz rahbarligida jismoniy tarbiya va sportni rivojlantirishga, yoshlarni sportga keng jalb etishga, Olimpiya sport turlari bilan bir qatorda milliy sport turlarini ham rivojlantirishga alohida e’tibor qaratilib, bu borada keng ko‘lamli chora-tadbirlar amalga oshirilmoqda.

Albatta, bunday musobaqalarning o‘tkazilishi yurtimizda belbog‘li kurash sport turini yanada ommalashtirish va xalqaro bellashuvlar g‘oliblarini tarbiyalashda muhim o‘rin tutadi.

O‘tkazilgan tadbir davomida o‘z vazn toifasi bo‘yicha g‘oliblar qatoridan o‘rin olgan bir qator yoshlarga medal va qimmatbaho sovg‘alar topshirildi.