Qoraqalpog‘iston Respublikasi Jo‘qorg‘i Kengesining navbatdan tashqari oltinchi sessiyasi bo‘lib o‘tdi

Sessiyada O‘zbekiston Respublikasi Bosh Prokurori N.Yo‘ldashev, O‘zbekiston Respublikasi Oliy Majlisi Senati, Qoraqalpog‘iston Respublikasi hukumati a’zolari, huquqni muhofaza qiluvchi organlar rahbarlari, ommaviy axborot vositalari vakillari ishtirok etdi.

Sessiyani Qoraqalpog‘iston Respublikasi Jo‘qorg‘i Kengesining Raisi Amanbay Orinbayev kirish so‘zi bilan ochdi va boshqarib bordi.

Sessiya kun tartibida Qoraqalpog‘iston Respublikasi Prokurori  to‘g‘risidagi masalasi ko‘rib chiqildi.

Sessiyada Qoraqalpog‘iston Respublikasi Prokurori lavozimiga Aminov Shoxrux Azamatovichning nomzodi tavsiya etildi.

Aminov Shoxrux Azamatovich prokuratura organlarida mas’uliyatli lavozimlarda, jumladan, Sirdaryo viloyati prokurori, Navoiy viloyati prokurori, O‘zbekiston Respublikasi Bosh prokurorining o‘rinbosari lavozimlarida samarali faoliyat olib borgan.

Kun tartibidagi masala bo‘yicha deputatlar tomonidan qaror qabul qilindi va Aminov Shoxrux Azamatovich Qoraqalpog‘iston Respublikasi Prokurori lavozimiga tayinlandi.

Shu bilan Qoraqalpog‘iston Respublikasi Jo‘qorg‘i Kengesining navbatdan tashqari oltinchi sessiyasi o‘z ishini yakunladi.