Qoraqalpog‘iston Respublikasi Jo‘qorg‘i Kengesi Raisining o‘rinbosari saylandi

Joriy yilning 10-sentyabr kuni Qoraqalpog‘iston Respublikasi Jo‘qorg‘i Kengesining navbatdan tashqari yettinchi sessiyasi bo‘lib o‘tdi.

Sessiyada O‘zbekiston Respublikasi Prezidentining maslahatchisi T.Xudaybergenov, Qoraqalpog‘iston Respublikasi Hukumati a’zolari, shahar, tuman hokimlari, huquqni muhofaza qiluvchi organlar va soha rahbarlari, ommaviy axborot vositalari vakillari ishtirok etdi.

Sessiyani Qoraqalpog‘iston Respublikasi Jo‘qorg‘i Kengesining Raisi Amanbay Orinbayev kirish so‘z bilan ochdi va boshqarib bordi.

Sessiyaning kun tartibiga muvofiq tashkiliy masala, ya’ni «Qoraqalpog‘iston Respublikasi Jo‘qorg‘i Kengesi Raisining o‘rinbosari to‘g‘risida»gi masala ko‘rib chiqildi.

Sessiyada Qoraqalpog‘iston Respublikasi Jo‘qorg‘i Kengesi Raisining o‘rinbosari R.Saparbayev egallab turgan lavozimidan ozod etildi.

Shu bilan birga, Qoraqalpog'iston Respublikasi Jo‘qorg'i Kengesi Raisining o‘rinbosari lavozimiga Qoraqalpog'iston Respublikasi Jo‘qorg'i Kengesiga 47-sonli «Sanaat» saylov okrugidan deputat Nurazizov Radjapbay Kupalbekovichning nomzodi tavsiya etildi.

Tavsiya etilgan nomzod deputatlar tomonidan ko‘rib chiqildi va qo‘llab-quvvatlandi.

Qoraqalpog‘iston Respublikasi Konstitutsiyasi 70-moddasining 4-bandiga muvofiq Nurazizov Radjapbay Kupalbekovich Qoraqalpog‘iston Respublikasi Jo‘qorg‘i Kengesi Raisining o‘rinbosari lavozimiga saylandi.

Ma’lumot o‘rnida aytish kerak, R.Nurazizov shu kungacha Qoraqalpog‘iston Respublikasi Vazirlar Kengashi Raisining Jamoat va diniy tashkilotlar bilan aloqalar bo‘yicha o‘rinbosari lavozimida ishlab kelgan.