"Markaziy Osiyo pedagoglari - bir mintaqa, bir ovoz, bir kuch!" doirasidagi tadbirlar Qaratereng bo‘yida davom etdi

Taxtako‘pir tumanida bo‘lib o‘tayotgan "Markaziy Osiyo pedagoglari - bir mintaqa, bir ovoz, bir kuch!" xalqaro forumi ishtirokchilari Taxtako‘pir tumanida bo‘ldi.

Dastlab, forum ishtirokchilari "Bөrshitao‘" tog'i cho‘qqisida tashkil etilgan "Etno qishlog'i"ga tashrif buyurib, bu erda xalqimizning boy madaniy turmush tarzi va milliy me’morchilik uslubida yaratilgan o‘tov chambaragi, milliy kiyimlar va ular foydalangan uy jihozlari bilan yaqindan tanishdi.

Bundan so‘ng, forum ishtirokchilari "Qaratereng" ekoturizm markazida yaratilgan sharoitlar - milliy an’analar asosida qurilgan o‘tovlar, haqiqiy cho‘l muhiti va tabiat manzaralari bilan tanishdi.

Shuningdek, qoraqalpoq xalqining boy madaniyati va an’anaviy san’ati aks etgan ko‘rgazmalar, etnografik badiy chiqishlar mehmonlarda katta taassurot qoldirdi. Tashkil etilgan sahna ko‘rinishlari orqali mehmonlar ko‘p millatli xalqimizning madaniyati va qadriyatlarini yaqindan his qilish imkoniga ega bo‘ldi.

Forumning ikkinchi qismida pedagoglar uchun amaliy o‘quv-seminar tadbirlari tashkil etilib, unda ta'limda innovatsion yondashuvlar, raqamli texnologiyalardan foydalanish va xalqaro hamkorlikni rivojlantirishga doir masalalar muhokama qilinadi.